Hec indentura testatur quod ita convenit inter dominum Radulfum de Methum et Henricum de Perci filium Willelmi de Perci ad Natale anno regni regis Henrici filii regis Johannis xxxvto supra quibusdam contencionibus inter eos motis tam de parco de Whetecroft Tydonerker Hestcroft et aliis particulis terre sicut includitur fossato et sepe quam de communi pastura de Arlethorp videlicet quod dictus Radulfus [...] quietum clamavit [...] dicto Henrico [] totam terram et sepem et totum fossatum et quicquid continetur infra dictum fossatum et dictum sepem sicut sepe et fossato includitur versus Arlethorp ita scilicet quod liceat dicto Henrico [...] sine impedimento dicti Radulfi [...] competenter reparare dictam sepem super dictum fossatum de proprio bosco dicti Henrici Pro hac [...] quietum clamavit [...] dictus Henricus [...] dicto Radulfo [...] totam terram cum prato et bosco que jacet extra fossatum et sepem versus Arlethorp Insuper eciam quietum clamavit dicto Radulfo [...] communem pasturam quam dictus Henricus habuit in Arlethorp jure manerii de Spofford ita videlicet quod averia sua et averia nativorum suorum de Spofford inparcata non sint in dicta pastura nisi ibidem per wardam factam pascantur set sine dampno sint refugata quod si eciam dicta averia in dicta pastura per wardam factam inventa sint inparcentur vel pastor pro transgressione devadietur [...]

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.