Hec est finalis concordia facta in curia domini regis apud Saresburiam die Mercurii in crastino Assumpcionis beate Marie anno regni regis Ricardi sexto coram Huberto Cantuariensi archiepiscopo Hereberto Saresburiensi episcopo Willelmo de Sancte Marie Ecclesia Galfrido filio Petri Hugone Bard[] Willelmo de Aubigni Thoma de Hisseburn[] Ricardo de Heriet[] Henrico de Wykinton Chenb Walt[]o et Joscilino archidiacono Cicestriensi et aliis fidelibus domini regis ibi tunc presentibus et postea recordata in curia domini regis apud Westmonasterium die Lune proximo ante festum Omnium Sanctorum anno regni regis Ricardi septimo coram prefatis Huberto Cantuariensi archiepiscopo et Hereberto Saresburiensi episcopo et Gilberto Roffensi episcopo et W de Sancte Marie Ecclesia Radulfo Herfordiensi archidiacono Willelmo deWaren[] Ricardo de Heriet[] Osseberto filio Henrici Simone de Pateshill[] et aliis fidelibus domini regis ibi tunc presentibus inter brienum filium radulfi gunoram uxorem suam que virum suum Brienum posuerat loco suo ad lucrandum vel perdendum in curia domini regis petentes et henricum de Perci tenentem de honore de Petteworth cum omnibus pertinenciis suis Unde placitum fuit inter eos in curia domini regis scilicet quod predicto Brieno et Gunore uxori sue et heredibus suis remanet tote villa de kokking Cum omnibus pertinenciis suis et in chaciis et in hay exceptis duabus virgatis terre quas Henricus de Hesset tenet in eadem villa pertinentibus ad feodum dimidii militis quod pertinet ad Hesset de predicto Henrico sed quando hidagium dabitur predicte due virgate geldabunt cum villata de Keking[] Preterea remanet eisdem Brieno et Gunore uxori sue et heredibus suis quicquid prefatus Henricus habuit in Wlenchemere excepto tenemento quod Robertus de Hellested tenet in eadem villa et preterea remanent eisdem Brieno et Gunore uxori sue et heredibus suis feodum duorum militum et vicesima pars feodi unius militis scilicet feodum dimidii militis quod Elias Moraunt tenuit et feodum dimidii militis quod Willelmus de Minford tenet et feodum unius militis quod Philippus de Seleam tenet et vicesima pars feodi unius militis quod Johannes tenet Et quia non potuit interconvenire quod predicti Brienus et Gunora hec predicta tenementa tenerent in capite de ipso Henrico ipsi Brienus et Gunora et heredes sui tenebunt ea imperpetuum de Huberto Cantuariensi archiepiscopo et successoribus suis per predictum feodum trium militum et vicesime partis feodi unius militis videlicet de dominico de Koking et de Wlenchesmere servicium feodi unius militis et de aliis tenementis servicium feodi duorum militum et vicesime partis feodi unius militis et idem Hubertus et successores sui tenebunt eadem tenementa de predicto Henrico et heredibus suis per predictum servicium exceptis wardis et releviis unde ipsi quieti erunt Et pro hac finali concordia prefati Brienus et Gunnora uxor sua totum jus et clamium quod habuerunt in Petteworth et in residuo honoris de Petteworth quietum clamaverunt predicto Henrico et heredibus suis de se et heredibus suis imperpetuum Et pro hac quieta clamacione dedit predictus Henricus predictis Brieno et Gunore uxori sue quater viginti marcas argenti

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.