Omnibus Christi fidelibus hoc presens scriptum visuris vel audituris J Dei gracia Bath episcopus salutem in Dno Cum Magister Johannes Aylard rector ecclesie de Sowy R rectorem ecclesie de Chedeseye prohibuisset ne decimas feni de Nywemede Leuedymede Bulemede Fougleresmede et Marscallesmede decetero faceret asportari et idem R eundem J super prohibicione illa coram nobis t[r]axisset in causam cum eciam idem R alias in iudicio confessus esset omnes predictas decimas ad ius et proprietatem ecclesie de Sowy pertinere sicut continetur in composicione facta coram archidiacono Barkschir[] et decano Abyndon[] iudicibus a dno papa delegatis inter predictum R et W tunc temporis ecclesie de Sowy vicarium super decimis predictis que coram nobis in iudicio recitata fuit et que sic incipit Omnibus Christi fidelibus et sic desinit actum apud Abyndon[] in vigilia Sancti Michaelis anno incarnacionis Dni mccxxxj et sicut continetur in confirmacione quam super predicta composicione confecimus que sic incipit Omnibus Christi fidelibus et que sic desinit dat apud Sowy per manum Magistri Walteri de Maydenston[] in crastino Sancti Lamberti pontificatus nostri anno xxx Valete Tandem lis inter eos mota sic fine amicabili conquievit videlicet quod predictus J pro bono pacis concessit predicto R quod libere et plene percipiat quoad vixerit decimas feni de Newemede et Leuedymede solvendo inde singulis annis quoad vixerit rectori ecclesie de Sowy qui pro tempore fuerit duos solidos sterlingorum in festo Sancti Michaelis predicto J vel successoribus eius totum residuum omnium predictarum decimarum integre et plene nomine ecclesie de Sowy in perpetuum percipientibus predicto eciam R cedente vel decedente omnes decime de Newemede et Leuedymede ad ius et proprietatem et possessionem ecclesie de Sowy libere quiete integre revertentur Nos igitur in predicte confessionis et pacis reformacione testimonium presens scriptum sigilli nostri apposicione roboravimus Dat apud Well per manum Magistri Walteri de Maydenestone anno gracie millesimo cc tricesimo nono die Mercurii proxima post festum Sancti Jacobi mensis Julii

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.