Anno Domini m cc lx ix mensis Junii convenit inter Robertum abbatem Glaston et eiusdem loci conventum ex parte una et Walterum perpetuum vicarium ecclesie de Schapwyk[] ex altera videlicet quod predicti abbas et conventus tradiderunt concesserunt et assignaverunt predicto vicario unam dimidiam virgatam terre in Aysshecote pertinentem ab antiquo ad capellam eiusdem ville cum pratis ad ipsum pertinentibus salvo dictis abbati et conventui et eorum successoribus prato de Prestemede concesserunt insuper dicto vicario decimas bladi omnium croftarum tunc existencium dumtaxat que non sunt de lantala in tota parochia de Schapwyk[] que prius ad ipsos pertinebant excepta crofta Walteri de Schapwyk[] prope curiam suam et crofta Reginaldi iuvenis iuxta domum suam versus occidentem et crofta domini abbatis sub curia sua in Aysshecote et crofta Galfridi Langele supra curiam suam in eadem villa eo quod omnes he crofte sunt de lantala tradiderunt eciam dicti abbas et conventus dicto vicario unum mansum cum crofta prope capellam de Aysshecote in parte occidentali quod Johannes le Man tenuit et aliud mansum cum curtillagio in eadem villa quod Thomas Textor aliquando tenuit habend et tenend omnia predicta quoad vixerit exceptis croftis memoratis Pro hac autem tradicione et concessione predictus Walterus vicarius tradidit concessit et assignavit predictis abbati et conventui unum ferdellum terre in Schapwyk[] pertinentem prius ad vicariam dicti loci cum omnibus pratis ad ipsam pertinentibus remisit eciam dictis abbati et conventui decimas bladi et feni tocius veteris dominici ecclesie de Schapwyk[] quas ipse et predecessores sui vicarii ecclesie de Schapwyk[] percipere consueverunt remisit eciam dictus vicarius memoratis abbati et conventui principale mansum suum in Schapwyk[] in quo prius vicarii de Schapwyk[] manere consueverunt et mansum quod Durandus le Taillour aliquando tenuit et mansum quod Walterus Croye aliquando tenuit cum curtilagiis ad ea pertinentibus que omnia predicti abbas et conventus ac eorum successores sibi libere retinebunt quamdiu prefatus Walterus vicarius aut eius successores terram prata et decimas eidem Waltero per ipsos ut premissum est tradita et concessa retinuerint memoratus autem vicarius aut eius successores non percipient aliquas decimas bladi seu fabarum in campis extra croftas eidem ut supradictum est concessas In cuius rei testimonium huic scripto in modum cirograffi confecto tam predictus abbas quam prefatus Walterus vicarius sigilla sua alternatim apposuerunt Hiis testibus - Magistro Henrico Huse Michaele rectore ecclesie de Mere Waltero vicario de Murlinch[] Reginaldo vicario de Estpennard Waltero de Schapwyk[] Rogero le Touk[] Thoma de Ivethorne et aliis

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.