Universis sancte matris ecclesie filiis presentibus innotescat quod nos Radulphus de Wykham venerabilis patris dni R Bath et Well episcopi officialis ac ad taxandum vicariam de Doultyng[] et ordinandum de eadem quam quidem ecclesiam viri religiosi abbas et conventus Glaston in usus proprios possidere noscuntur commissarius specialis singularum et omnium porcionum spectancium qualitercunque ad ecclesiam supradictam per rectores et vicarios ibidem vicinos et parochianos eiusdem loci prout moris est iuratos investigata plenius veritate ac super premissis quesito valore Dei nomine invocato predicti patris vice ut premittitur et auctoritate decernimus et ordinamus vicariam et vicarii porciones in hiis rebus consistere videlicet quod vicarius qui pro tempore fuerit totum dominicum scutarii quod quidem ad ipsam ecclesiam consuevit primitus pertinere cum bosco prato incluso [et] non incluso villa iure eorunque tenuris sequelis catallis et eorum serviciis una cum liberis hominibus redditibus eorundem homagiis eschaetis habeat extunc et perpetuo possideat integre et in pace sicut rectores ibidem actenus existentes optinuerunt premissa ad hec habeat et percipiat dictus vicarius omnes decimas de toto dominico Petri de la Mare dni de Presthull et heredum suorum libere et sine contradiccione cuiuscunque habeat similiter vicarius predictus omnes et singulas obvenciones et decimas ad ipsam ecclesiam qualitercunque seu ipsius altilagium provenientes tam in peccunia numerata quam de molendinis lino lana agnis vitulis et omnibus aliis quocunque nomine decime senciantur simul cum mortuariis debitis et consuetis decimis garbarum tocius parochie et feni exceptis expresse que cum decimis singulis lane agnorum vitulorum et casii curiam dominici contingentibus abbati et conventui Glaston ibidem rectoribus penitus et perpetuo remanebunt Insuper habeat idem vicarius pasturam ad viij boves cum bobus abbatis et vj vaccas cum vaccis suis cum exitibus duorum annorum simul cum ccc bidentibus et ij annorum earundem exitibus si tot bidentes retinere voluerit Vicariusque predictus a prestacione decime cuiuscunque pro porcionibus supradictis ipsum contingentibus immunis et liber preservetur omnino inhabitabit eciam vicarius supradictus domos que erant rectoris et mansum ipsius habebit quousque abbas et conventus predicti sibi mansum decens in loco edificaverint competenti sicut episcopus vel officialis ipsius duxerit acceptandum Sustinebit eciam vicarius qui pro tempore fuerit et persolvet omnia ordinaria infrascripta tantum videlicet ecclesie Wellen et eiusdem ecclesie archidiacono qui pro tempore fuerit xx solidos pro sequestris item eidem archidiacono respondebit singulis annis pro sua procuracione sinodatica et aliis suis consuetudinibus Onus autem quatuor marcarum sacristarie Glaston ab ipsa ecclesia de Doulting[] debitarum nomine pensionis dictus abbas ex nunc de plano agnoscet onera autem extraordinaria sustinebunt dicti abbas et conventus pro duabus porcionibus et vicarius pro tercia porcione In premissorum testimonium sigillum officialitatis Bath et Well presenti scripto apposuimus Dat Well iiij Non April anno Dni mcc octogesimo quinto

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.