Omnibus Xpi fidelibus ad quos presens scriptum pervenerit Willelmus miseracione divina Bath et Well episcopus salutem in Dno sempiternam Noverit universitas vestra nos inspexisse cartam dilectorum in Xpo filiorum abbatis et conventus Glaston in hec verba Universis Xpi fidelibus ad quos presens scriptum pervenerit Robertus Dei gracia abbas Glaston et eiusdem loci conventus salutem in Dno Noverit universitas vestra quod nos dedimus concessimus et hac presenti carta nostra confirmavimus pro nobis et successoribus nostris Deo et ecclesie beate Marie de Estbrente et Gilberto de Sar[] eiusdem ecclesie rectori ac ipsius successoribus unum mansum et unam dimidiam virgatam terre et quinque acras prati cum omnibus pertinenciis suis in manerio nostro de Estbrente Que quidem mansum et terram et pratum Ricardus Longus tenuit aliquando de ecclesia Glaston scilicet illud mansum quod est granditudinis unius acre situm prope cimiterium dicte ecclesie de Estbrente de qua eciam terra quinque acre iacent in mora super La Hurste due acre in Cocettleforlong[] quinque acre in Combe una acra super montem iuxta terram Thome de la Pulle decem acre in Doddynggeswrth[] et Salinggeswrth[] quinque acre in Wart[] due acre in Redylond[] quatuor acre in Medewys due acre in Bordlond et tres acre in Clarishame et dicte quinque acre prati iacent in Fermelond[] habend et tenend dictum tenementum cum suis pertinenciis dicto Gilberto rectori et successoribus suis in dicta ecclesia in perpetuum de nobis et successoribus nostris libere quiete pacifice et integre reddendo inde annuatim idem Gilbertus et successores sui nobis et successoribus nostris tres solidos sterlingorum ad quatuor anni terminos videlicet ad festum Sci Michaelis ix denarios ad Natalem Dni ix d ad Pascham ix d et ad festum Nativitatis beati Johannis Baptiste ix d et preterea ad mederiam nostram Glaston quatuor galones mellis in eodem festo Sancti Johannis pro omni servicio exaccione omnimodis sectis et secularibus demandis Pro hac autem donacione concessione et carte confirmacione dedit nobis dictus Gilbertus rector ecclesie de Estbrente pro se et suis successoribus de consensu venerabilis patris dni Willelmi Bath et Well episcopi unum mansum et tres acras terre in eodem manerio que Ricardus de la Yo tenuit de ecclesia de Estbrente et ipsius rectore et ipsum Ricardum cum tota sequela sua et catallis suis nobis dimisit et quietumclamavit in excambium tenementi predicti Et ut hec nostra donacio concessio et carte confirmacio rata stabilis et inconcussa permaneat presentem cartam in modum cirographi indentatam sigillorum nostrorum fecimus munimine roborari Et predictus dns episcopus in predictorum testimonium sigillum suum similiter eidem fecit apponi Hiis testibus Nicholao de Countevile Roberto de Sancta Barba Roberto de la Pulle Philippo Corbyn Thoma de Marisco Johanne de Berwes et aliis Dat Glaston in vigilia Nativitatis beate Marie anno Dni mcclxij Item inspeximus cartam dilecti in Xpo filii Gilberti de Sar[] rectoris ecclesie de Estbrente in forma subscripta Universis Xpi fidelibus ad quos presens scriptum pervenerit Gilbertus de Sar[] rector ecclesie de Estbrente salutem in Dno Noverit universitas vestra quod ego de consensu reverendi patris dni Willelmi Bath et Well episcopi pro melioracione et comodo ecclesie mee predicte dedi concessi et hac presenti mea carta confirmavi pro me et successoribus meis Roberto abbati Glaston et eiusdem loci conventui et successoribus suis ac ecclesie Glaston unum mesuagium et tres acras terre in manerio de Estbrente que Ricardus de la Yo tenuit de ecclesia de Estbrente et ipsius rectore et ipsum Ricardum cum tota sequela sua et omnibus catallis suis predictis abbati et conventui et ecclesie Glaston dimitto et in perpetuum clamo quietum habend et tenend predictum mesuagium et dictas tres acras terre cum omnibus pertinenciis suis dictis abbati et conventui et successoribus suis et ecclesie Glaston libere quiete et integre in perpetuum sine aliquo retenemento mei vel successorum meorum Pro hac autem donacione concessione et carte confirmacione dederunt dicti abbas et conventus pro se et suis successoribus Deo et ecclesie beate Marie de Estbrente et michi ac successoribus meis in dicta ecclesia in perpetuum unum mansum unam dimidiam virgatam terre et quinque acras prati cum pertinenciis suis que Ricardus Longus tenuit de ipsis et monasterio suo Glaston in manerio supradicto in excambium tenementi predicti In cuius rei testimonium presenti scripto in modum cirographi indentato sigillum meum apposui Hiis testibus Nicholao de Countevile Roberto de Sancta Barba Roberto de la Pulle Philippo Corbyn Thoma de Marisco Johanne de Berwes Bricio Emericii et aliis Nos igitur quia dictum excambium sive commutacionem per inquisicionem quam inde fieri fecimus diligentem ad honorem et utilitatem tam ecclesie Glaston quam dicte ecclesie de Estbrente novimus esse factam nostrum eidem prebemus assensum et ipsam ad utriusque partis instanciam de ecclesiarum nostrarum Bath et Well capitulorum consensu auctoritate pontificali quantum ad diocesanum pertinet confirmamus In cuius rei testimonium presenti scripto bipertito sigillum nostrum una cum sigillis dictorum capitulorum similiter et parcium est appensum Dat apud Chu vij Kal Octobr anno gracie mcclxij et pontificatus nostri anno quintodecimo memorandum quod appropriacio ecclesie de Estbrente est super titulo de Doultyng[] quia una cum ecclesia illa fuit ista appropriata

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.