In nomine Domini Amen Cum inter religiosos viros dnm J Dei gracia abbatem monasterii Glaston et eiusdem loci conventum Bath et Well diocesis actores ex parte una et reverendum patrem dnm R Dei gracia Bath et Well episcopum reum ex altera super ecclesia de Estbrente et ipsius fructibus quam et quos iidem abbas et conventus racione appropriacionis de ipsa ecclesia sibi facte per bone memorie Willelmum Bath et Well episcopum dicti dni episcopi proximum predecessorem suorum capitulorum quoad hoc expresso accedente consensu ad se et suum monasterium Glaston canonice spectare dicebant questio verteretur ac huiusmodi questio seu causa per sanctissimum patrem et dnm nostrum dnm Martinum divina providencia summum pontificem nobis Petro miseracione divina Exon episcopo et religioso viro dno abbati de Certes[] Wynt diocesis nec non et venerabili viro decano Saresburien ecclesie nostris in hac parte collegis sub illa clausula "quod si non omnes hiis exequendis potueritis interesse tu frater episcope cum eorum altero ea nichilominus exequaris " delegata fuisset ut ipsam causam audire deberemus et eandem fine debito terminare nos autem Petrus Exon episcopus una cum decano Saresbur ecclesie collega nostro abbate de Certes[] nostro similiter coniudice in causa predicta extra regnum Anglie ubi nescitur agente super ipsa causa audienda et fine debito terminanda prefatas partes citari fecimus pluries coram nobis Eisdem itaque partibus per fratrem Ricardum de Lambrok[] dni abbatis Glaston et eiusdem loci conventus ac per Magistrum Henricum Husee ecclesie Well canonicum dicti dni Bath et Well episcopi procuratores legitimos coram nobis Petro Exon episcopo et venerabili viro decano Saresbur ecclesie collega nostro prefato abbate de Certes[] coniudice nostro ut premittitur extra regnum Anglie ubi nescitur agente legitime constitutis ex parte dictorum religiosorum libellus oblatus extitit sub hac forma Coram vobis d[omi]ni iudices dico et edendo propono ego procurator religiosorum virorum abbatis et conventus monasterii Glaston procuratorio nomine pro eisdem contra venerabilem patrem dnm R Dei gracia Bath et Well episcopum et contra quemlibet intervenientem in iudicio legitime pro eodem quod idem pater super ecclesia de Estbrente quam dni mei predicti in proprios usus optinuisse noscuntur et fuerant per appropriacionem legitimam canonice assecuti eiusdemque ecclesie fructibus iniuriatur eisdem ipsos dnos meos prefata ecclesia et eius fructibus in quorum possessione aliquamdiu steterant et quos aliquando possederant in quiete eisdem dnis meis non vocatis et ab eadem ecclesia per sentenciam legitime non amotis pretermisso iuris ordine contra iusticiam spoliando seu spoliari mandando aut ipsam spoliacionem suo nomine factam ratam habend pariter et acceptam dictamque ecclesiam per spoliacionem huiusmodi detinet occupatam seu facit post spoliacionem huiusmodi per intrusionis vicium detineri in eorundem dominorum meorum preiudicium dampnum non modicum et gravamen Quare peto ego procurator predictus nomine procuratorio dictorum dominorum meorum probatis seu aliqua via iuris detectis hiis que dominis meis et michi eorum nomine sufficere possint aut debeant in hac parte eosdem dnos meos per vos sentencialiter reduci ad statum possidendi prefatam ecclesiam et fructus eiusdem amoto ab eadem prefato episcopo et quolibet alio ipsius ecclesie illicito detentore et prefatum episcopum condempnari dominis meis predictis ad restitucionem fructuum eiusdem ecclesie a tempore spoliacionis huiusmodi perceptorum et eciam qui percipi potuerunt quos estimo eorum nomine centum marcas argenti et condempnatum ad satisfaccionem compelli necnon et eundem episcopum per vos compesci ab omni inquietudine et iniuria dictorum dominorum meorum circa prefatam ecclesiam et possessionem eiusdem et tam ipsis dominis meis quam michi eorum nomine iusticiam in omnibus exhibere Hec dico propono et peto ego procurator predictus procuratorio nomine divisim seu coniunctim prout dominis meis et michi videro expedire addendi mutandi corrigendi et interpretandi iure beneficio in omnibus michi salvo Super quo libello lite legitime contestata iuramento hinc inde prestito de calumpnia seu de veritate dicenda factis posicionibus datis articulis testibus instrumentis literis apostolicis aliis eciam atque aliis munimentis ad causam ipsam et eius instruccionem facientibus ab eisdem partibus productis omnibusque rite peractis factis eciam allegacionibus facti et iure hinc et inde ac instruccione facti secuta iure ordine per omnia observato demum fuit a prefatis partibus in dicta causa conclusum Unde cum non restaret nisi sentencia proferenda dictus decanus Saresbur[] ecclesie collega noster aliunde variis prepeditus negociis ad terminandum dictam causam et ad sentenciam in eadam ferendum personaliter interesse non valens venerabili viro Magistro Henrico archdiacono Totton[] in ecclesia Exon[] ad terminandum et exequendum causam iam dictam comisit totaliter et in solidum vices suas Nos vero prefati Petrus Exon episcopus et Henricus archidiaconus Totton[] venerabilis viri decani Saresbur ecclesie commissarius seu subdelegatus in solidum ut predicitur deputatus dicto abbate de Certes[] Wynton diocesis nostro collega ut sepius dictum est extra regnum Anglie ubi nescitur agente visis omnibus iuribus racionibus munimentis et allegacionibus utriusque partis coram nobis Petro Exon episcopo et dicto Saresbur[] ecclesie decano prius factis in dicta causa propositis et productis omnibusque diligenter pensatis et sollicite recensitis virorum prudencium comunicato consilio nobiscum deliberacione plena et diligenti prehabita prefatisque religiosis viris abbati et conventui Glaston ac dno Bath et Well episcopo ad diem Lune in crastino Dominice qua cantatur Misericordia Domini anno gracie mcc octagesimo quarto in cathedrali ecclesia Exon ad audiendum sentenciam diffinitivam in causa predicta peremptor[i]e citatis et in nostra presencia per prefatos fratrem Ricardum dictorum abbatis et conventus Glast ac Magistrum Henricum dicti Bath et Well episcopi legitimos procuratores eorundem legitime comparentibus et personaliter constitutis usque in diem Mercurii proximo sequentem per decretum iudicum et de parcium voluntate apud Clist iuxta Exon continuacione seu prorogacione facta loco mutato sacrosanctis euangeliis coram nobis positis et inspectis Xpi nomine invocato appropriacionem factam de dicta ecclesia de Estbrente prefatis religiosis et monasterio Glast per predictum Willelmum dicti dni R Bath et Well episcopi proximum predecessorem canonicam et legitimam fore et esse dicentes ecclesiam ipsam de Estbrente cum fructibus inde preceptis et qui percipi potuerunt iuxta estimacionem earundem expressam plenius in libello necnon cum omnibus iuribus et pertinenciis ipsius ecclesie dictis religiosis adiudicamus et ipsam ecclesiam de Estbrente pacifice possidere et in proprios usus perpetuo retinere diffinitive et sentencialiter pronunciamus in hiis scriptis pariter et declaramus ipsosque religiosos ad statum possidendi eandem ecclesiam quam per appropriacionem legitimam canonice fuerant assecuti quod quidem testamur diffinitive reducimus ac dictos abbatem et conventum ab inquietudine futura et qualicunque iniuria dni Bath et Well episcopi necnon et Magistri Henrici procuratoris eiusdem seu cuiuscunque alterius absolvimus et absolutos decrevimus ac prefatum dnm Bath et Well episcopum et dictum Magistrum Henricum procuratorem ipsius ab eadem ecclesia de Estbrente non obstantibus racionibus quibuscunque ab ipsis factis propositis seu allegatis quas omnino cassamus ac quemlibet alium predicte ecclesie detentorem illicitum quocunque colore quesito sentencialiter ammovemus et decrevimus ammovendum Eisdem episcopo et Magistro Henrico ipsius procuratori ac cuilibet alii ipsos religiosos vel ipsorum predictum procuratorem circa prefatam ecclesiam de Estbrente seu possessionem eiusdem turbare volenti perpetuum silencium per nostrum decretum inponimus cum alii quam ipsi religiosi nullum ius habeant in eadem Dedimus insuper concedimus et pronunciamus quod ipsi religiosi vel ipsorum procurator predictus seu quivis alius ipsorum nomine ad id specialiter constitutus dicte ecclesie de Estbrente possessionem cum pertinenciis et singulis obvencionibus suis ut premittitur dicti dni Bath et Well episcopi seu cuiuscunque alterius ordinarii consensu minime requisito ingredi propria valeant auctoritate salvis tamen vicario porcionibus congruis et competentibus de ipsius ecclesie proventibus per venerabilem patrem R miseracione divina Bath et Well episcopum loci diocesanum seu successores suos in eadem assignandis et taxandis unde valeat congruam sustentacionem habere ac episcopalia et cetera ipsius ecclesie onera prout idem episcopus melius duxerit ordinandum sustinere ad quam vicariam cum vacaverit honestas personas predicto episcopo et successoribus suis ipsi religiosi presentabunt necnon iuribus ac consuetudinibus episcopalibus et archdiaconalibus ac omnibus oneribus ab ipsa ecclesia debitis et consuetis et ecclesiarum Bath et Well ac episcoporum in eisdem pro tempore existencium iuris auctoritate et dignitate semper salvis salva insuper de prefata ecclesia quibuscunque personis aut locis pensione debita et antiqua Reservamus eciam potestatem loci diocesano dno R Bath et Well episcopo et suis successoribus ecclesiarum suarum necnon iure archdiaconali Well indempnitati prout melius et utilius sibi et ecclesiis suis viderit expedire providendi ac de oneribus ipsi ecclesie de Estbrente incumbentibus ordinandi iusticia mediante Hanc autem nostram sentenciam superius inscriptis prolatam nostra immo pocius auctoritate apostolica sub pena excommunicacionis ab omnibus precipimus et volumus inviolabiliter observari Lecta lata et pronunciata fuit hec diffinitiva sentencia in scriptis apud Clist prope Exon in aula manerii prefati dni Exon episcopi a prefatis dno Exon episcopo et venerabili viro Magistro Henrico archdiacono Totton[] in ecclesia Exon inhibi pro tribunali sedentibus sub anno Dni a nativitate mcc octuagesimo iiij indiccione xij vj Kaln May pontificatus dni Martini Pape iiij anno iiij Presentibus religiosis viris Willelmo abbate de Nyweham et Radulpho de Forthe Exon diocesis monasteriorum priore Magistro Thoma de Bodeham canonico Exon Willelmo de Sancto Gorano de Combe Tynhide Roberto de Fareweye ac Roberto apostolorum Petri et Pauli de Selwele ecclesiarum rectoribus Philippo Bouvynie et Roberto de Uplym ecclesiarum vicariis ac Nicholao de Peynton[] canonico ecclesie Sancti Probi in Cornubia et aliis testibus ad hoc specialiter vocatis et rogatis Et ego Bartholomeus de Sancto Laurencio publicus apostolica et imperiali auctoritate notarius omnibus et singulis premissis interfui et ut supra legitur ita de verbo ad verbum de mandato et auctoritate predictorum reverendi patris dni Petri Exon episcopi et venerabilis viri Magistri Henrici archidiaconi Totton[] in ecclesia Exon[] iudicum ad audiendum dictum causam et eandem fine debito terminandam a sanctissimo patre et dno nostro dno Martino divina providencia summo pontifice delegatorum prefatam diffinitivam sentenciam scripsi et pupplicavi meoque signo consueto signavi rogatus Ad perpetuam autem rei memoriam ac evidenciam pleniorem sepius nominati dns Petrus Dei gracia Exon episcopus et venerabilis vir Magister Henricus archdiaconus Totton[] in ecclesia Exon huic diffinitive sentencie eorum sigilla fecerunt apponi

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.