Anno regni regis Henrici filii regis Johannis Imo mense junii die vij convenit inter venerabilem patrem Walterum Bath et Well episcopum ex parte una et Robertum abbatem Glaston ex altera videlicet quod predictus abbas de consensu et voluntate conventus sui Glaston remisit et quietumclamavit de se et successoribus suis in perpetuum predicto episcopo et successoribus suis et ecclesiis suis Bath et Well totum ius et clameum quod habuit vel habere potuit in maneriis de Pokelischurch cum advocacione ecclesie eiusdem manerii et omnibus aliis pertinenciis suis in comitatu Gloucestr[] Wynescombe cum advocacione ecclesie eiusdem manerii et omnibus aliis pertinenciis suis Blakeford[] cum advocacione libere capelle eiusdem manerii et omnibus aliis pertinenciis suis et Cranemere cum omnibus pertinenciis suis in comitatu Somerset[] ita quod dictum manerium de Cranemere sit quietum et solutum ab omni secta curie et hundredi ipsius abbatis et successorum suorum Remisit eciam et quietumclamavit dictus abbas de se et successoribus suis et ecclesia sua Glaston predicto episcopo et successoribus suis et ecclesiis suis predictis totum ius et clameum quod habuit vel habere potuit in advocacionibus ecclesiarum de Aysshbur[] in comitatu Barkeschir[] Kyngton[] et Cristemalford in comitatu Wiltschir[] et Boclaund in comitatu Dorset[] et in servicio et homagio feodi unius militis cum pertinenciis in Camelerton[] cum advocacione ecclesie manerii eiusdem in comitatu Somerset[] ita quod nec in terris tenementis nec advocacionibus ecclesiarum predictis nec in aliquibus earum pertinenciis aliquid de cetero clamare poterunt seu exigere in perpetuum salvis dicto abbati et successoribus suis et ecclesie sue Glaston antiquis et annuis pensionibus quas ipse et predecessores sui hactenus de predictis ecclesiis percipere consueverunt videlicet de ecclesia de Pokelischurch[] l sol de ecclesia de Wynescombe unam marcam de ecclesia de Camelerton[] unam marcam Pro hac autem remissione et quietaclamancia idem episcopus de se et successoribus suis et ecclesiis suis predictis de consensu et voluntate capitulorum suorum earundem ecclesiarum remisit et quietumclamavit in perpetuum dicto abbati et successoribus suis et ecclesie sue predicte totum ius et clameum quod habuit vel habere potuit in maneriis de Aysshbur[] in comitatu Barkeschir[] Baddebury Kyngton[] et Cristemalford[] in comitatu Wiltschir[] Boclaund in comitatu Dors[] et Mere cum advocacione ecclesie eiusdem manerii in comitatu Somerset[] cum omnibus libertatibus et liberis consuetudinibus ac omnibus aliis pertinenciis dictorum maneriorum salvis dicto episcopo et successoribus suis advocacionibus ecclesiarum maneriorum de Aysshbury Kyngton[] Cristemalford et Boclond Preterea idem episcopus concessit predicto abbati et successoribus suis et ecclesie sue predicte undecim libras et quinque solidos sterlingorum quos ipse et predecessores sui solebant annuatim percipere ab eodem abbate et predecessoribus suis de hundredis de Whyston[] et Wythelegh[] et pro turnis et auxiliis vicecomitum et eas de se et successoribus suis et ecclesiis suis predictis eidem abbati et successoribus suis et ecclesie sue predicte remisit et quietumclamavit in perpetuum Et ne super libertatibus dicto dno episcopo et successoribus suis et ecclesiis suis Bath et Well a dno rege concessis in feudis et terris abbathie Glaston oriatur de cetero materia questionis inter dictos episcopum et abbatem in hunc modum convenit videlicet quod predictus abbas de consensu et voluntate conventus sui concessit pro se et successoribus suis quod ipsi intendent et respondebunt dicto episcopo et successoribus suis tanquam dominis et patronis et mediis inter dnm regem et ipsos in omnibus dictam abbathiam et feuda sua contingentibus sicut dicto dno regi intendere et respondere deberent si ei inmediate subessent Et predictus episcopus et successores sui ac eorum ballivi recipient a vicecomitibus returna brevium dni regis libertatem abbathie Glaston tangencia in singulis comitatibus ubi terras habent et ea predicto abbati et successoribus suis aut eorum ballivis sine mora dispendio aut cavillacione qualibet per ipsos exequenda ad loca subscripta plene returnabunt videlicet in comitatu Somerset[] ad abbathiam Glaston in comitatu Dors[] apud Nywton[] in comitatu Wiltschir[] apud Domerham in comitatu Barkschir[] apud Aysshbury et non ab alio vel ab aliis quam a ballivis dicti episcopi et successorum suorum recipient returna predicta Et super execucione dictorum returnorum dictos ballivos episcopi et successorum suorum a quibus ipsa returna receperunt certificabunt scilicet de omnibus comitatus tangentibus in proximis comitatibus et de omnibus aliis preter quam in itinere iusticiariorum in comitatu Somerset[] apud Well in comitatu Dors[] apud Schirburn in comitatu Wiltschir[] apud Novam Saresbur[] in comitatu Barkeschir[] apud Edewyneston[] de hiis autem que tangunt placita iusticiariorum itinerancium in locis ubi iidem iusticiarii tenent placita sua Concessit eciam et promisit dictus episcopus pro se et successoribus suis et ecclesiis suis predictis quod dictus abbas et successores sui habeant et libere teneant hundreda sua et curias suas et placitent in eis placita de namio vetito et alia omnia placita libertatem suam tangencia tam per brevia dni regis que per manus ballivorum dicti episcopi recipient sicut et predicta returna quam sine brevibus eodem modo quo predictus abbas et predecessores sui ea placitare consueverunt tempore quo abbates dicti loci dno regi et ballivis suis sine medio fuerunt intendentes ita quod nec episcopus nec successores sui vel eorum ballivi ingressum habeant in feuda maneria vel libertates abbathie predicte ad aliquid aliud exercendum vel exigendum ibidem nisi eo modo quo vicecomites et ministri eorum fecerunt vel facere consueverunt aut debuerunt tempore predicto Concessit autem dictus episcopus pro se et successoribus suis et ecclesiis suis predictis quod predictus abbas et successores sui et eorum tenentes quieti sint de secta ad quascunque curias dicti episcopi et successorum suorum in perpetuum et si contingat quod persona abbatis qui pro tempore fuerit inplacitetur in quibuscunque comitatibus et predictus episcopus per se vel ballivos suos curiam suam de ipso pecierit et optinuerit senescallus episcopi ad hoc specialiter constitutus curiam ipsius episcopi tenebit diebus comitatuum extra loca eorundem comitatuum in eisdem villis et ibi partibus inde iusticiam exhibebit et idem abbas de quibuscunque querelis et placitis ipsius personam tangentibus ibi similiter et non alibi respondebit Preterea concessit idem episcopus pro se et successoribus suis et ecclesiis suis predictis quod libertates et inmunitates xij hydarum Glaston integre et illese conserventur in perpetuum predictis abbati et conventui et eorum successoribus et ecclesie sue predicte ut eis utantur sicut idem abbas et predecessores sui eis hactenus usi sunt et sicut in cartis regum Anglie quas inde habent plenius continetur ita scilicet quod in itinere iusticiariorum cum ad partes illas venerint per ipsos iusticiarios liberentur brevia originalia dni regis que sunt de eadem libertate senescallo dicti episcopi vel eius ballivo qui ibi presens fuerit per cuius manus sine contradiccione vel cavillacione aliqua incontinenti tradantur ibidem in presencia dictorum iusticiariorum dicto abbati vel senescallo suo aut ballivo ut ea per iusticiarios suos placitari et exequi faciat sicut hactenus consuevit Brevia autem dni regis que placitari possunt sine itinere iusticiariorum et que sunt de libertate dictarum xij hydarum cum ad vicecomites pervenerint recipient ballivi dicti episcopi ab ipsis vicecomitibus et predicto abbati vel suis ballivis in presencia vicecomitum sine mora tradent placitanda et exequenda modo predicto Concessit eciam dictus episcopus pro se et successoribus suis et ecclesiis suis predictis quod quando scutagium talagium et auxilium ad primogenitum regis militem faciendum et ad filiam vel sororem eius maritandam generaliter concedi et assideri contigerit predictus abbas et successores sui ea levare faciant de tenentibus suis per brevia dni regis per predictum episcopum et successores suos inpetranda similiter cum brevibus suis propriis et predicto abbati et successoribus suis sine mora dispendio fraude et dolo quibuslibet tradenda et liberanda ita quod respondeant dicto episcopo et successoribus suis de eis que ad dnm regem pertinent et episcopus qui pro tempore fuerit ipsi dno regi salvo predicto abbati et successoribus suis scutagio de feudis ecclesie sue predicte post servicium suum per manus dicti episcopi vel successorum suorum inde peractum prout in carta dni regis ad procuracionem dicti episcopi prefato abbati et successoribus suis specialiter inde concessa plenius continetur Et si predictus episcopus vel successores sui predicta brevia [inpetrare] vel inpetrata liberare sicut predictum est per maliciam vel neggligenciam noluerint idem episcopus concessit pro se et successoribus suis quod ipsi de camera sua plenarie solvent predicto abbati et successoribus suis sine aliqua contradiccione scutagium illud auxilium vel tallagium quod ea vice pro defectu predictorum brevium non inpetratorum vel non liberatorum sicut predictum est non fuerit levatum nec solutum et si episcopus qui pro tempore fuerit aliquando finem fecerit cum dno rege pro servicio sibi debito tam pro feudis episcopatus quam pro feudis abbathie predicte dictus abbas et successores sui de fine facto pro porcione servicii sui de feudis eiusdem abbathie plene dicto episcopo respondebunt Dedit insuper et concessit dictus episcopus pro se et pro successoribus suis et ecclesiis suis predictis predicto abbati et successoribus suis et ecclesie sue predicte medietatem de omnibus amerciamentis finibus pro misericordia finibus pro transgressionibus finibus pro licencia concordandi et escapiis latronum et catallis fugitivorum et dampnatorum et de murdris et de bobus de disseysina provenientibus de terris et feudis et hominibus abbathie predicte et omnibus feudis et hominibus hominum eorundem ita quod abbas qui pro tempore fuerit in fidelitate quam tenetur episcopo inveniet ballivum utrique parti idoneum et fidelem ad suum custum ad levandum et colligendum omnia predicta per returna brevium dni regis ei facta per ballivum episcopi modo predicto qui eciam iuramentum fidelitatis prestabit in presencia dicti episcopi et successorum suorum seu alicuius quem ad hoc deputaverint quod fideliter et integraliter omnia predicta levabit et colliget et nichil inde celabit atque ad scaccarium dicti episcopi et successorum suorum apud Well de eisdem quater in anno videlicet in crastino Nativitatis Beati Johannis Baptiste in crastino Exaltacionis Crucis in vigilia Beati Thome apostoli et in crastino Palmarum fideliter respondebit et solvet Ad quod scaccarium idem ballivus dicti abbatis et successorum suorum ad opus eiusdem medietatem predictam per manus dicti episcopi et successorum suorum vel ballivorum eorundem qui ad dictam pecuniam recipiendam ibidem fuerint deputati absque omni dilacione et contradiccione percipiat et ibi per eosdem fiat sibi sufficiens securitas et quietancia de perceptis omnibus et solutis salvis tamen dicto episcopo et successoribus suis amerciamentis persone dicti abbatis et successorum suorum quando in misericordiam inciderint Et id quod per maliciam aut neggligenciam predicti ballivi a retro fuerit abbas qui pro tempore fuerit persolvi faciet ad predictum scaccarium aut inde sufficienter et legitime respondebit Si vero predictus abbas aut successores sui vel ballivi eorum dicto episcopo et successoribus suis aut eorum ballivis tam ea que ad ipsum episcopum et successores suos quam ea que ad dnm regem pertinent solvere negglexerint aut contempserint vel eciam brevia dni regis sibi returnata executi non fuerint vel de eis sicut predictum est non responderint aut attachiamenta non fecerint sicut tenentur licebit dicto episcopo et successoribus suis et eorum ballivis ea vice qua ita deliquerint et in ipso articulo libertates intrare premissas et suum officium sine aliqua contradiccione exercere ita scilicet quod ubi debita retro fuerint per defectum abbatis vel ballivorum suorum ut predictum est in ipsis locis fiat districcio et non in aliis Pro scutagiis autem auxiliis et tallagiis que ad dnm regem pertinent que per neggligenciam aut remissionem abbatis vel ballivorum suorum soluta non fuerint liceat eidem episcopo vel ballivis suis ipsum abbatem distringere in locis aliis eo modo quo vicecomites et ballivi vel ministri eorum facere deberent et possent si ipsi abbas et successores sui dno regi inmediate subessent Et si predictus episcopus vel successores sui in aliquo lesi fuerint vel gravati pro defectu alicuius mandati per ballivos ipsius episcopi predicto abbati et successoribus suis vel eorum ballivis returnati et non executi et super hoc possint legitime convinci predictus abbas concessit pro se et successoribus suis et ecclesia sua predicta quod ipsi eundem episcopum et successores suos et ecclesias suas predictas de huiusmodi lesionibus et gravaminibus conservabunt indempnes Et similiter si ballivi dicti episcopi vel successorum suorum maliciose distulerint facere dicto abbati vel successoribus suis aut eorum ballivis returna brevium dni regis sibi returnata vel alia mandata seu ea ultra tempus occultaverint vel de certificacionibus brevium seu mandatorum huiusmodi per ballivos dicti abbatis vel successorum suorum sibi factis ipsos sicut expedit non acquietaverint ita quod dictus abbas vel successores sui in aliquo ob hoc ledi possint vel gravari et super hoc dicti ballivi ipsius episcopi et successorum suorum possint legitime convinci predictus episcopus concessit pro se et successoribus suis et ecclesiis suis predictis quod ipsi eundem abbatem et successores suos et ecclesiam suam predictam de huiusmodi lesionibus et gravaminibus conservabunt indempnes et tam ballivi predicti episcopi et successorum suorum quam ballivi predicti abbatis et successorum suorum ad istas libertates custodiendas assignati sacramentum fidelitatis prestabunt dominis suis quod ipsi fideliter tam episcopum quam abbatem in omnibus predictis illesos pro posse suo conservabunt et indempnes Concessit insuper predictus episcopus pro se et successoribus suis et ecclesiis suis predictis quod quociens dictam abbathiam vacare contigerit nullum vastum exilium vel destruccionem per se vel ballivos suos faciant sed eam et omnia maneria ad ipsam pertinencia cum instauris et aliis omnibus conservabunt ad opus futuri abbatis secundum tenorem magne carte communitati Anglie concesse et tam conventui quam obedienciariis facient interim exhiberi ea que abbas deberet et facere consuevit ita quod maneria ecclesie et cetere possessiones ad obediencias dicte abbathie pertinencia in singulis vacacionibus in manibus obedienciariorum remaneant ut liberam administracionem inde habeant nec liceat episcopo vel successoribus suis aliquam de ecclesiis in usus monasterii appropriatis vel optentis interim aliquatenus alienare Licebit tamen eidem episcopo et successoribus suis obedienciarios quos minus idoneos invenerit de consilio prioris et conventus ammovere et alios loco eorum sine mora dispendio de ipsorum consilio substituere eo modo quo faceret abbas quando viderit expedire eo salvo quod status prioris qui per eleccionem creatus est perpetuus sine manifesta et racionabili causa ac solempnitate debita non mutetur ne per ammociones huiusmodi abbatis eleccio vel eius effectus aliquatenus retardetur Sed post petitam a predicto episcopo et suis successoribus secundum regni consuetudinem et optentam licenciam eligendi liberam habeant prior et conventus eligendi sibi abbatem sine difficultate qualibet potestatem Et ut omnia predicta perpetue firmitatis robur optineant predictus episcopus partem istius scripti cirograffati que penes predictum abbatem et successores suos remanebit sigillo suo una cum sigillis capitulorum ecclesiarum suarum Bath et Well roboravit et similiter predictus abbas parti alteri que penes predictum episcopum et successores suos remanebit sigillum suum una cum sigillo conventus ecclesie sue Glaston apposuit Hiis testibus dnis Philippo Basset Roberto Aguilon Roberto Walerond Willelmo de Haete Nicholao de Haverisham Hugone Peverel Radulpho de Baggepug[] Willelmo Belet Walterto de Burges Nicholao de Leuecanore Willelmo Everard Ricardo de Wircestr[] Gaufrido de Stawell et aliis Acta apud Northamton anno mense et die supradictis

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.