Noverint universi presentes literas inspecturi vel audituri quod ego frater Stephanus custos seu prior domus Sancti Stephani seu hermitagii de Spraulismede quod situm est infra limites parochie matricis ecclesie de Merlynch[] et nos fratres eiusdem loci recognoscimus et per presentem scripturam confitemur nos teneri solvere et dare decimas tam maiores quam minores de omnibus bonis nostris que renovantur per annum et decimas de nutrimentis pecorum et animalium nostrorum predicte matrici ecclesie de Merlynch[] et eidem ecclesie satisfacere annis singulis de oblacionibus omnium serviencium nostrorum in quorum omnium possessionem semper hucusque fuit et est ecclesia memorata Recognoscimus eciam et confitemur quod religiosus vir Robertus abbas Glaston est et predecessores sui abbates Glaston [ex] eorum officio a prima fundacione domus predicte usque in presentem diem fuerunt actualiter in possessionem visitandi domum predictam iure archidiaconali et corrigendi excessus et defectus quos ibi invenerant per omnia tam in capite quam in membris et eis iugiter preteritis temporibus predecessores nostri tenebantur et nos teneri volumus perpetuo ad obedienciam in canonicis mandatis In cuius rei testimonium presentibus literis sigillum nostrum commune fecimus apponi et ad instanciam nostram nobilis vir dns Johannes filius Gaufridi predicti loci patronus sigillum suum apposuit iure patronatus sibi et heredibus suis per omnia semper salvo Dat xij Kal Februar anno Dni mcclxx Hiis testibus Magistro Rogero Baret rectore ecclesie de Strete Magistro Henrico Huse rectore ecclesie de Buddecleg[] Waltero vicario de Merlinch[] Waltero vicario de Schapwyk[] dno Gaufrido de Stawelle Rogero le Tok Waltero de Schapwyk[] et aliis

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.