Omnibus Xpi fidelibus presens scriptum inspecturis vel audituris de Brumore et de Monasterio Ederoso priores et decanus de Wilton[] Sar diocesis ex apostolica sede iudices delegati salutem in Dno eternam Noverit universitas vestra nos mandatum dni pape in hec verba suscepisse [...] Huius igitur auctoritate mandati partibus coram nobis sepius convocatis et comparentibus et lite diucius super omnibus decimis de Kentelesworth de dominico dictorum abbatis et conventus Glaston tam maioribus quam minoribus agitata lis tandem amicabili composicione in hunc modum conquievit videlicet quod predicti abbas et conventus Glaston concesserunt predicto Magistro Galfrido et ecclesie de Kentelesworth quod omnes predicte decime de dominico suo de Kentelesworth tam maiores quam minores remaneant in perpetuum dicto Magistro G rectori ecclesie de Kentelesworth et successoribus suis et eidem ecclesie de Kentelesworth ita tamen quod idem Magister G rector ecclesie de Kentelesworth et successores sui et dicta ecclesia de Kentelesworth solvant singulis annis in perpetuum dictis abbati et successoribus suis et conventui Glaston et ecclesie Glaston xx solidos argenti pro bono pacis racione dictarum decimarum ad festum Sancti Dionisii apud Glaston sine omni difficultate dilacione et dolo si vero aliquo tempore dictus Magister G vel alius successorum suorum vel dicta ecclesia de Kentelesworth a predicta solucione dictorum xx solidorum cessare presumpserit licebit extunc supradictis abbati et conventui Glaston omni contradiccione cavillacione et appellacione cessantibus prefatas decimas in manus suas resumere et in suos usus convertere auctoritate sua propria absque strepitu iudiciali et easdem eatenus libere more pristino possidere donec ipsis super predicta solucione xx solidorum necnon et eorum interesse plene fuerit satisfactum Promisit eciam predictus Magister G bona fide quod fideliter procurabit quod dns Salisburiens et eius capitulum hanc amicabilem composicionem confirmabunt Et ad maiorem omnium premissorum securitatem ut roboris et stabilitatis firmitatem optineant perpetuam presenti scripto in modum cirographi confecto una cum signis partium sigilla nostra apposuimus Acta in maiori ecclesia Sar anno ab incarnacione Dni millesimo ccxlv Kaln May

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.