Hec est finalis concordia facta in curia domini regis apud Westm in octavis Sancti Martini anno regni regis Edwardi filii regis Henrici primo coram Gilberto de Preston[] Magistro Rogero de Seton[] Radulpho de Hengham Stephano Haym Roberto Fulcon[] Willelmo Weyllond et Johanne de Cobham iusticiariis et aliis domini regis fidelibus tunc ibi presentibus inter Robertum abbatem de Glaston querentem per Petrum de Keynisham positum loco suo ad lucrandum vel perdendum et Reginaldum de Mere deforciantem de una hyda terre cum pertinenciis in Brentemareys unde placitum convencionis summonitum fuit inter eos in eadem curia scilicet quod predictus Reginaldus recognovit predictam terram cum pertinenciis esse ius ipsius abbatis et ecclesie sue beate Marie Glaston ut illam quam idem abbas et ecclesia sua predicta habent de dono predicti Reginaldi habend et tenend eidem abbati et successoribus suis et ecclesie sue predicte de predicto Reginaldo et heredibus suis in puram et perpetuam elemosinam liberam et quietam ab omni seculari servicio et exaccione in perpetuum Et predictus Reginaldus et heredes sui warentizabunt acquietabunt et defendent eidem abbati et successoribus suis et ecclesie sue predicte predictam terram cum pertinenciis ut liberam puram et perpetuam elemosinam suam absque aliquo servicio inde faciendo contra omnes homines in perpetuum Et idem abbas concessit predicto Reginaldo unum mesuagium et unam virgatam terre cum pertinenciis in Wotton[] et cc et xx acras terre quadraginta acras et unam perticatam prati cum pertinenciis in Buddeclegh[] et Strete scilicet quicquid idem Reginaldus habuit in predictis villis de Wotton[] Buddeclegh[] et Strete ex dimissione ipsius abbatis die quo hec concordia facta fuit habend et tenend eidem Reginaldo et heredibus suis de predicto abbate et successoribus suis et ecclesia sua predicta in perpetuum reddendo inde per annum sex denarios et quatuor lagenas mellis ad duos terminos scilicet ad Pascha Floridum quatuor lagenas mellis et ad festum Sancti Michaelis sex denarios et faciendo inde ad scutagium domini regis quando advenerit sive fuerit ad plus seu ad minus octo solidos et similiter faciendo inde sectam ad hundredum ipsius abbatis et successorum suorum de Whytelegh[] bis per annum scilicet semel ad proximum hundredum tentum ibi post Pascha et secundo ad proximum hundredum ibi tentum post festum Sancti Michaelis pro omni servicio consueto et exaccione Et predictus abbas et successores sui warentizabunt acquietabunt et defendent eidem Reginaldo et heredibus suis predictum tenementum cum pertinenciis quod eis per finem istum remanet sicut predictum est per predicta servicia contra omnes homines in perpetuum Et si forte contingat quod predictus abbas et successores sui de cetero inplacitetur in curia domini regis de predicta hyda terre cum pertinenciis in Brentemareys sive de aliqua parte eiusdem terre et contingat ipsos predictum Reginaldum vel heredes suos vocare inde ad warantizandum et per iudicium eiusdem curie predictam terram amittant tunc idem Reginaldus vel heredes sui facient eis exchambium ad valenciam eiusdem terre de predicto tenemento in Wotton[] Buddecl[] et Strete et non alibi

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.