Hec est finalis concordia anno gratie m[]ccxxx[] quinto facta inter priorem Stephanum et conventum de Pontefracto ex una parte et fratrem Tirricum Alemannum magistrum et fratres sancti Lazari Jerosolymitani in Anglia commorantes ex altera de omnibus contentionibus motis inter ipsos videlicet quod dictus prior et conventus de Pontefracto concesserunt et quietas clamaverunt et ad perpetuam firmam dimiserunt dicto magistro et fratribus sancti Lazari et eorum successoribus et Hospitali de Fulsnap decimas omnium terrarum per subscriptas divisas distinctarie[] Scilicet de majori spina que stat super fossatam juxta viam regiam que tendit versus Wenet usque ad novam crucem que sita est in capite magni fossati versus est et de dicta cruce usque ad terram Walteri quondam Receptoris versus suth Item de terra illa que jacet inter terram predicti Walteri ex altera parte et certas divisas campi de de[] Dudingtona[] et buttat super Waterfal versus est Ita tamen quod dicti fratres de Fulsnap occasione istarum terrarum vero in terris dicti Walteri Receptoris nec in aliis terris suis propriis extra metas prescriptas in parochia nostra de cetero decimas exigere possint vel debeant tenend et habend quiete et solute ab omni decimarum prestatione et dictis priori et conventui et eorum successoribus sine omni exactione et vexatione et demanda imperpetuum Et pro ista concessione et quieta clamatione predicti magister et fratres et eorum successores predictis priori et conventui et eorum successoribus duas libras piperis annuatim persolvent ad festum sancti Michaelis Et ut hec concordia omnibus temporibus inter prioratum de Pontefracto et hospitale sancti Lazari illesa ab omnibus observetur conficitur scriptum in modum cyrographi cujus una pars signata sigillo domini prioris et capituli de Pontefracto penes predictos fratres sancti Lazari Jerosolymitani residebit et altera pars signata sigillo capituli fratrum Sancti[] Lazari Jerosolymitani de Burton penes dictos priorem et conventum de Pontefracto remanebit Hiis testibus domino Philippo tunc decano de Pontefracto[] Waltero tunc receptore Roberlo clerico[] Ricardo Panetario[] Thoma Anglico Gregario de Camera Hugone de Castelford et aliis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.