Sciant presentes et futuri quod ego Walterus filius Gilleberti filii Hugonis de Pontefracto dedi concessi et hac presenti carta mea confirmavi deo et ecclesie sancti Johannis Apostoli et Evangeliste de Pontefracto et monachis ibidem deo servientibus novem acras terre et tres perticatas in territorio de Pontefracto cum omnibus pertinentiis suis Videlicet quinque perticatas in crofto de Bondegate que jacent inter terram Henrici filii Matildis et terram Simonis filii Angeri et duas acras terre et dimidiam que jacent subtus Heselclif inter terram dictorum monachorum et terram Rogeri filii Anabilis et unam acram que jacet subtus Heselclif inter terram eorundem monachorum et terram Ade Joye Et tres acras que jacent ante portam hospitalis sancti Michaelis inter terram dictorum monachorum et regiam stratam Et tres perticatas super Flaghil[] jacentes inter terram eorundem monachorum et terram Walteri filii Willelmi filii Hugonis et quinque perticatas ad portam predicti hospitalis ex altera parte semite que jacent inter terram dictorum monachorum et terram Reginaldi le Ferrur Tenend et habend dictis monachis in liberam puram et perpetuam elemosinam quietas et solutas ab omni seculari servitio consuetudine et exactione impositione secta et demanda et ab omni re servili cum omnibus libertatibus liberis consuetudinibus et aysiamentis ad predictam novem acras terre et tres perticatas infra villam et extra pertinentibus sine aliquo retenemento contradictione gravamine vel impedimento mei vel heredum meorum vel alicujus alterius imperpetuum Pro hac autem mea donatione concessione et confirmatione dederunt mihi dicti monachi et heredibus meis in exchambium illam culturam terre cum pertinentiis suis que vocatur Westrode [] Tenend et habend de dictis monachis mihi et heredibus meis libere quiete pacifice et integre imperpetuum Reddendo inde eisdem monachis annuatim unum denarium ad oblationem in die Natalis domini pro omnibus servitiis consuetudinibus exactionibus et demandis Et ego prenominatus Walterus filius Gilleberti filii Hugonis et heredes mei prenominatas novem acras terre et tres perticatas cum omnibus pertinentiis suis predictis monachis contra omnes homines imperpetuum warantizabimus et ab omnibus servitiis et demandis et ab omni re servili adquietabimus plenarie et defendemus Et dicti monachi dictam culturam terre cum omnibus pertinentiis suis mihi et heredibus meis warantizabunt pro predicto servitio imperpetuum Et ut omnia predicta firmiter et inviolabiliter teneantur et perpetuam firmitatem opteneant confecta est hec carta in modum cyrographi cujus una pars sigillata sigillo meo tam pro me quam pro heredibus meis remanet penes dictos monachos in testimonium Et altera pars sigillata sigillo autentico dictorum monachorum remanet penes me et heredes meos similiter in testimonium Actum apud Pontefractum ad festum omnium sanctorum anno gratie m[]cc[] quinquagesimo tercio hiis testibus domino Johanne de Hoderode tunc senescallo de Pontefracto [] domino Roberto de Stapiltona [] domino Ricardo Walensi domino Henrico fratre suo Hugone Biseth Willelmo de Fetherston Willelmo filio Elye Ricardo filio Seman Willelmo de Cellario Thoma Reiner Roberto filio Mabelie Rogero fratre suo Reginaldo le Ferrur Ada de Batheley et aliis Et sciendum quod mensurata est tota prenominata terra cum perticata viginti pedum

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.