Sciant presentes et futuri quod ego Herveus filius Ricardi filii Leysing de Ledestona dimisi et concessi dominis meis priori et conventui de Pontefracto messuagium meum et totam terrain quam habui in territorio de Ledestuna Scilicet sexdecim acras cum pratis et pascuis et cum omnibus pertinentiis suis infra villam et extra et totum servitium et totam firmam omnium de me in eadem villa tenentium sine aliquo retenemento mei vel heredum meorum tenend et habend de me et heredibus meis a festo sancti Michaelis anno gratie m cc xxx i usque ad finem duodecim annorum Pro hac autem dimissione et concessione dederunt mihi dicti monachi unam marcam argenti et dimidium quarterium frumenti Insuper dabunt mihi singulis annis in vita mea quatuor solidos ad me vestiendum et de liberalitate sua singulis mensibus sex busell[] frumenti ad victum meum et carrabunt amore dei usque ad Midletonam Si ibi moram fecero Preterea concedo et presenti carta confirmo quod si infra predictos xii annos me mori contigerit predicti monachi totam terram predictam cum omnibus suprapositis habebunt et tenebunt usque ad dictum terminum sine contradictione vel reclamatione heredum meorum vel alicujus qui in predictis aliquid[] vel clamium habere possit nichil penitus inde alicui persolvendo aut aliquid[] servitium faciendo Finitis vero xii annis prefate xvi acre cum suprapositis mihi et heredibus meis soluta et quieta remanebunt Salva sepedictis priori et monachis debita firma unius marce argenti quam ego Herveus et heredes mei inde reddere tenemur annuatim predicta terra Et quia prenominati prior et monachi predictam terram nudam et vastam susceperunt ego Herveus vel heredes mei rationabilem meliorationem quam idem prior et monachi apposuerint eidem terre eis sine aliqua contradictione restituemus per visum prudentium et legalium virorum antequam predicta recipiamus Ad hanc vero dimissionem et concessionem fideliter tenend et warantizandam usque ad prefatum terminum xii annorum ego Herveus pro me et heredibus meis transcripto hujus concessionis sigillum meum apposui in testimonium Hiis testibus Rogero de Ledeshama decano de Pontefracto Henrico Walensi Magistro R de Kippes Symone de Rupe Raduffo Painel Willelmo de Alretona Rogero Pateman Jordano Pateman Gaufrido de Ledeshama Radulfo Freman et aliis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.