Sciant presentes et futuri quod ego Galfridus filius Walteri de Queldrich[] concessi et hac presenti carta mea confirmavi et inperpetuum de me et heredibus meis quietum clamavi monachis de Pontefracto totum jus meum et clamium quod habui vel unquam aliquo modo habere potui in illa bovata terre cum pertinentiis suis in territorio [] de Ledeshamia quam Johannes frater meus[] vendidit domino Johanni de Lasci comiti Lincolnie et quam idem comes postea dictis monachis contulit et carta sua confirmavit Ita quod dicti monachi dictam bovatam terre cum omnibus pertinentiis suis tenebunt et habebunt in bono et pace sine aliqua contradictione gravamine vel impedimento mei vel heredum meorum inperpetuum Pro hac autem mea concessione confirmatione et quieta clamatione dederunt mihi dicti monachi unam marcam argenti in manibus Et ne ego dictus Galfridus vel heredes mei aliquid juris vel clamii in dicta bovata terre cum pertinentiis suis in posterum vendicare possimus hanc presentem cartam sigilli mei munimine roboravi et eam dictis monachis ad majorem securitatem tradidi in testimonium Actum anno gratie millesimo ducentesimo xl sexto mense Maio quum dominus Rogerus de Thurkelby dominus Gillebertus de Prestona magister Symon de Wautham et dominus Johannes Cobbeham justiciarii et fideles domini regis residebant apud Eboracum et assisas tenebant Hiis testibus domino Adam de Nerford tunc vicecomite Eborascensi domino Henrico Walensi domino Roberto de Stapiltona domino Waltero de Ludham tunc senescallo de Pontefracto [] Roberto tunc persona de Medelay [] Gregorio de Camera Magistro Warnero de Knaresburga Roberto Nicholao et Willelmo de eadem [] Hugone Biseth et aliis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.