Hec convencio facta die martis proxima post festum sancte Katerine viriginis et martiris anno regni regis Edwardi filii Henrici tricesimo inter Hugonem Durival dominum de Garinges ex una parte et Willelmum Stersman de Scheftesbury et Johannem fratrem eius ex altera videlicet quod predictus Hugo traddit concessit et dimisit dictis Willelmo et Johanni ad terminum totius vite eorumdem totam terram et boscum cum mesuagio adiacente quam Rogerus de la Le de dicto Hugone quondam tenuit in parochia et in camp[is] de Garinges habend et tenend predictis Willelmo et Johanni quamdiu vixerint totam terram predictam et boscum cum mesuagio una cum sepibus arboribus viis semitis pratis et pasturis ad dictam terram spectantibus cum liberis introitibus et exitibus cui seu quando dictam terram cum omnibus pertinenciis prenominatis dare vendere alienare vel assignare voluerint libere quiete et integre ad terminum totius vite amborum ut predictum est Reddendo inde annuatim dicto Hugoni et heredibus suis unam marcam argenti ad duos anni terminos videlicet ad festum sancti Michaelis sex solidos et octo denarios et ad festum beate Marie in Marcio sex solidos et octo denarios pro omnibus aliis serviciis secularibus exceptis sectis curiarum predicti Hugonis et herieto et servicio domini Regis quantum pertinet ad tantam terram eiusdem feodi in eadem parochia Et ideo predictus Hugo et heredes sui totam terram et boscum cum mesuagio una cum omnibus suis pertinenciis pret[r]actatis predictis Willemo et Johanni quamdiu vixerint contra omnes gentes warantizabunt acquietabunt et defendent Et post decessum dictorum Willelmi et Johannis tota terra predicta cum mesuagio et bosco et omnibus aliis pertinenciis prenominatis ad predictum Hugonem Durival vel ad heredes suos libere revertetur Salva eidem Willelmo et Johanni et assignatis eorundem totam vesturam supra eandem terram existentem die qua dicti Willelmus et Johannes obierint sine aliqua contradiccione dicte Hugonis vel heredum suorum Pro hac autem tradicione concessione dimiscione dederunt mihi dicti Willelmus et Johannes centum solidos sterlinggorum pre manibus In cuius rei testimonium hiis scriptis cirografphatis sigilla sua alternatim apposuerunt Hiis testibus Ricardo de Niweband Johanne Marmion Willelmo Luveday Nicholao de Bedeford Willelmo de Wodecote Ricardo de la Dene Johanne Durival Henrico de Dichele Willelmo Belebuche et multis aliis

Source Fulltext: A Collection of charters relating to Goring, Streatley and the neighborhood, 1181-1546. T. R. Gambier-Parry. Oxfordshire Record Series, V.13. The Oxfordshire Record Society. Oxford . 1931.