Sciant presentes et futuri quod ego Ysabell[a] comitissa Gloucest[r]ie et Essex[ie] in libera viduitate mea et in ligia potestate mea dedi et concessi et hac presenti carta mea confirmavi Rog[er]o filio Rad[ulf]i servienti meo pro homagio et servitio suo totam terram quam habui in villa de Salle de honore Glouc[estrie] cum omnibus pertinentiis habend et tenend ipsi Rog[er]o et heredibus suis de me et heredibus meis bene et in pace libere et quiete integre plenarie et honorifice in bosco et plano in pratis et pascuis in viis et semitis in aquis et molendinis in stagnis et vivariis et in omnibus allis locis et rebus cum omnibus libertatibus et liberis consuetudinibus ad eandem terram pertinentibus faciendo inde servitium quinte partis unius militis pro omni servitio seculari Et ego Ysabell[a] et heredes warrant[izabimus] predicto Rog[er]o et heredibus suis totam predictam terram cum pertinentiis contra omnes homines Et ut hec mea donatio et concessio inperpetuum firma perseveret et stabilis presentem cartam sigilli mei munimine roboravi Test[ibus] etc

Source Fulltext: Earldom of Gloucester Charters. The Charters and Scribes of the Earls and Countesses of Gloucester to A.D. 1217. R. B. Patterson. Clarendon Press. Oxford. 1973.