Hec est finalis concordia facta in curia domini regis apud Westmonasterium a die sancte Trinitatis in quindecim dies anno regni regis Henrici filii regis Iohannis quintodecimo coram Thoma de Muleton Willelmo de Raleg[a] Willelmo de Eboraco Radulfo de Norwico et Ricardo Reing[er] iusticiariis et aliis domini regis fidelibus tunc ibi presentibus inter fratrem Robertum de Saunford magistrum milicie Templi in Anglia petentem per Willelmum de Enefeud positum loco suo ad lucrandum vel perdendum et Aliciam de la Grave tenentem per Benedictum de Hakeneye positum loco suo ad lucrandum vel perdendum de sex acris terre cum pertinenciis in Hakeneye Unde placitum fuit inter eos in prefata curia scilicet prefata Alicia recognovit totam predictam terram cum pertinenciis esse ius ipsius magistri et fratrum predicte milicie Templi et illam eis reddidit in eadem curia et remisit et quietam clamavit de se et heredibus suis eidem magistro et successoribus suis et predictis fratribus imperpetuum Et pro hac recognicione reddicione remissione quieta clamacione fine et concordia idem magister dedit predicte Alicie dimidiam marcam argenti

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.