Sciant presentes et futuri quod ego Robertus Preest de Hakeneye dedi concessi et hac presenti carta mea confirmavi Ricardo Arnold[] de Westsmethefeld[] in suburbio London[] Hawisie uxori sue et heredibus eorum de corporibus suis legittime procreatis unum cotagium cum curtilagio dicto cotagio spectante cum ceteris pertinenciis suis omnibus que michi iure et hereditate post decessum Iohannis Adgor quondam patris mei deciderunt quod quidem cotagium predictum cum curtilagio adiacente ceterisque pertinenciis suis sita sunt in villa de Hakeneye predicta inter tenementum Andree le Grochere aurifabri London[] ex parte aquilonari et tenementum Iohannis de Tywe ex parte australi Et abuttat unum capud ad viam regiam ex parte occidentali et alterum capud super terram dicti Andree ex parte orientali habendum et tenendum totum cotagium predictum cum curtilagio adiacente ceterisque pertinenciis suis omnibus predictis Ricardo Hawisie uxori eius et heredibus eorum de corporibus suis legittime procreatis de capitalibus dominis feodi illius libere quiete bene et in pace imperpetuum reddendo inde annuatim dictis dominis illius feodi capitalibus recta servicia inde eisdem debita et de iure consueta Et ego Robertus Preest supradictus et heredes mei totum cotagium predictum cum curtilagio ceterisque pertinenciis suis omnibus et singulis dicto cotagio spectantibus prefatis Ricardo Hawisie et eorum heredibus de corporibus legittime procreatis ut predictum est contra omnes gentes warantizabimus acquietabimus et per predicta servicia imperpetuum defendemus Pro hac donacione concessione ac huiusmodi presentis carte mee confirmacione warantia et defensione dederunt michi predicti Ricardus et Hawisia quandam pecunie summam premanibus in gersumam et ut hec mea donacio concessio acquietacio warantia defensio ac huiusmodi presentis carte mee confirmacio rata stabilis et imperpetuum secura insistat hanc presentem cartam sigilli mei impressione roboravi Hiis testibus Andrea le Grochare Iohanne de Tywe Iohanne de Munden Ricardo [filio] Randolfi Rogero Cros Thoma Freman Roberto Terry et aliis Datum apud West Smethefeld[] in Clerkenewellestrete London[] die iovis in festo solempnitatis corporis Christi et eciam in festo sancti Augustini Anglorum episcopi anno regni regis Edwardi tercii a conquestu decimo nono regni vero Francie secundo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.