Edwardus Dei gracia rex Anglie dominus Hibernie et Dux Aquiton[ie] dilecto sibi Willelmo de Northeo escaetori nostro in comitatibus Surr[ie] Sussex[e] et Midd[lesexe] salutem Volentes certis de causis quod thesaurarius et barones de scaccario nostro certiorentur que maneria terras et tenementa prior hospitalis sancti Iohannis Ierusalem in Anglia tenuit in balliva vestra in festo sancti Michaelis anno regni nostri primo tam videlicet de maneriis terris et tenementis ad ipsum hospitale ab antiquo spectantibus quam de illis que ad magistrum et fratres milicie Templi in Anglia nuper spectabant et quantum inde idem prior tunc tenuit in dominico et quantum alii ad firmam vel alias ad terminum vite vel annorum seu alio quocumque titulo ex dimissione ipsius prioris seu predecessorum suorum tenuerunt ac eciam de nominibus eorundem firmariorum vel aliter quicquam tenencium ex dimissione huiusmodi et similiter maneriorum predictorum et locorum ubi alia terra et tenementa predicta existunt vobis mandamus quod habita informacione super illo prefati thesaurius et barones de scaccario nostro apud Ebor[ac]um in crastino sancti Michaelis distincte et aperte reddatis certiores hoc breve ibidem remittentes teste Ricardo de Ayleston[] archidiacono Berk[escire] thesaurio nostro apud Ebor[ac]um vicesimo sexto die iulii anno regni nostri septimo Per rotulum memor[and]um de anno sexto Pasche recorda

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.