Universis sancte matris ecclesie filiis ad quos presens scriptum pervenerit Custancia filia Iohannis Perdriz salutem in Domino Noverit universitas vestra me in libera viduitate mea et propria potestate dedisse et concessisse et hac presenti carta mea confirmasse Deo et beate Marie et fratribus Templi Salomonis pro salute anime [mee] et animarum antecessorum et successorum meorum quinque acras terre cum pertinentiis in parva Sutton[] illas scilicet que iacent ex orientali parte de Wadebury et extendunt a Northkyerege usque ad Claysholt et iacent in Pitesholt inter terram Alani filii Laurencii et terram Cristine de Bury habendas et tenendas eisdem fratribus et eorum successoribus in liberam puram et perpetuam elemosinam libere et quiete solute et integre absque omni servicio seculari et exaccione sine ullo retenemento mei vel heredum meorum vel assignatorum meorum Et ego Custancia et heredes mei vel mei assignati predictas quinque acras cum pertinentiis predictis fratribus et eorum successoribus contra omnes gentes warantizabimus imperpetuum defendemus et acquietabimus Et ut hec mea donacio et concessio rata et stabilis imposterum permaneat presens scriptum sigilli mei munimine roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.