Universis etc Custancia filia Iohannis Perdriz salutem in Domino Noverit universitas vestra me in libera viduitate mea et propria potestate dedisse concessisse et hac presenti carta confirmasse Deo et beate Marie et fratribus milicie Templi Salomonis pro salute anime mee antecessorum et successorum meorum 8 acras et dimidiam cum pertinentiis in parva Sutton[] scilicet in campo qui vocatur Northfeld[] quarum due acre iacent inter dimidiam acram quam Simon novus homo tenet et terram predictorum fratrum Templi et dimidia acra abuttat super duas predictas acras et se extendunt usque ad magnum chiminum et due acre iacent inter terram Cristine de Aundevile et terram que vocatur Molland[] et una acra que iacet inter terram Thome de Plumberge et terram predictorum fratrum et unam dimidiam acram [] eorundem fratrum et unam que iacet inter ipsam dimidiam acram et terram Cristine de Aundevile habendas et tenendas eisdem fratribus et eorum successoribus in liberam puram et perpetuam elemosinam libere et quiete solute et integre absque omni servicio seculari et exaccione sine ullo retenemento mei vel heredum meorum vel assignatorum meorum Ego vero dicta Custancia et heredes mei vel mei assignati predictas octo acras et dimidiam cum pertinentiis predictis fratribus et eorum succesoribus contra omnes gentes imperpetuum warantizabimus defendemus et acquietabimus Et ut hec mea donacio et concessio rata et stabilis imposterum permaneat presens scriptum sigilli mei munimine roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.