Rex omnibus etc Licet de communi consilio nostri regni statuerimus quod non liceat viris religiosis seu aliis ingredi feodum alicuius ita quod ad manum mortuam deveniat sine licencia nostra et capitalis domini de quo res illa immediate tenetur volentes tamen Thome de Plumberge gratiam facere specialem dedimus ei licenciam quantum in nobis est quod ipse unum mesuagium et octo acras terre cum pertinentiis in Rocheford[] et Thome le blakeier[] quod ipse unum mesuagium et quatuor acras terre cum pertinentiis in magna Sutton[] dare possint et assignare dilectis nobis in Christo magistro et fratribus milicie Templi in Anglia habenda et tenenda sibi et successoribus suis imperpetuum et eisdem magistro et fratribus quod predicta mesuagia et terram a prefatis Thoma et Thoma recipere et quinque acras terre cum pertinentiis in parva Sutton[] et Prytwell[] que sunt de feodo suo et quas de Iohanne de Bernestel post statutum predictum editum sibi adquisiverunt retinere possint et sibi et successoribus suis imperpetuum tenore presencium similiter licenciam dedimus specialem nolentes quod iidem Thomas Thomas et Iohannes vel heredes sui aut predicti magister et fratres seu successores sui racione statuti predicti per nos vel heredes nostros inde occasionentur in aliquo seu graventur salvis tamen capitalibus dominis feodi illius serviciis inde debitis et consuetis In cuius rei etc Teste rege ut supra per inquisicionem retornatum de consilio quia finem fecerunt pro transgressione ingrediendi predictas quinque acras coram thesaurario Patentes regis Edwardi filii regis Henrici anno vicesimo primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.