Edwardus Dei gratia rex Anglie dominus Hibernie et dux Aquitanie venerabili in Christo patri S[tephano] eadem gratia episcopo London[iensis] salutem Volentes certis de causis quod thesaurarius et barones de scaccario nostro cerciorentur quas ecclesias pensiones seu porciones in ecclesiis dilectus nobis in Christo prior hospitalis sancti Iohannis Ierusalem in Anglia habet in proprios usus tam videlicet taxatas ad decimam cum clero quam non taxatas et que inde ad ipsum hospitale et que ad magistrum et fratres milicie Templi in Anglia ab antiquo spectabant et de vero annuo valore cuiuslibet earundem ecclesiarum pensionum et porcionum vobis mandamus quod habita super eo informacione pleniori prefatis thesaurario et baronibus de scaccario nostro apud Eboracum in octaba sancti Michaelis inde distincte et aperte reddatis cerciores hoc breve ibidem remittentes Teste magistro Ricardo de Ayleston[] archidiacono Berk[schire] thesaurario nostro apud Eboracum vicesimo sexto die iulii anno regni nostri septimo Per rotulum memorandum de anno sexto Pascha recorda

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.