Sciant presentes et futuri quod ego Robertus de Flyeta dedi etc Simoni monacho pro homagio et servicio suo et pro duabus marcis argenti quas michi dedit in gersumam unam acram terre cum medietate Fliete ex parte australi et cum pertinentiis in marisco et parochia de Reynham de feodo hospitalis sancti Iohannis Ierusalem in Anglia que quidem terra cum pertinentiis iacet in latitudine inter terram Iohannis de Fonte et terram meam et extendit se in longitudine ab aquilone versus merediem videlicet a terra mea usque ad medietatem Flyete que est inter terram predictam et terram Iohannis de Marisco habendam et tenendam dictam terram cum pertinentiis dicto Simoni et heredibus suis per liberum servicium quatuor denariorum michi et heredibus meis et meis assignatis inde annuatim ad duos terminos reddendorum scilicet ad Pascha duos denarios et ad festum sancti Michaelis duos denarios pro omni servicio consuetudine secta curie auxiliis herieta herbagio feodo demanda et omni seculari exaccione Et sciendum est quod ego dictus Robertus et heredes mei et mei assignati inveniemus dicto Simoni et suis heredibus et assignatis suis ad predictam terram viam ad eandem terram excolendam Et ego predictus Robertus et heredes mei et mei assignati warantizabimus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.