Sciant presentes et futuri quod ego Emma filia Serlonis Goiun in libera potestate mea dedi et concessi et hac carta mea confirmavi Ricardo de Ulmis de Haveryng[] sex denarios redditus cum pertinentiis suis in villa de Auvelers quos Alanus de Orsathe michi per annum reddere solebat de duabus acris terre cum uno mesuagio cum pertinentiis suis in eadem villa iuxta mesuagium Willelmi Lenveisie versus occidentem videlicet cum homagiis et releviis et accidentiis et cum omnibus aliis rebus ad predictum tenementum pertinentibus vel spectantibus habendum et tenendum de me et de heredibus meis sibi et heredibus suis vel cuicumque illum redditum cum pertinentiis suis dare vel assignare voluerit in feodo et hereditate bene et in pace libere et quiete plenarie et integre imperpetuum reddendo inde annuatim michi et heredibus meis unum denarium medietatem ad Pascha et medietatem ad festum sancti Michaelis pro omni servicio et consuetudine et exaccione et sectis curie et omnibus aliis rebus ad me vel ad heredes meos pertinentibus salvo servicio domini regis quantum pertinet ad tantum tenementum et ego Emma et heredes mei warantizabimus et acquietabimus predictum redditum cum omnibus pertinentiis suis predictis dicto Ricardo et heredibus suis vel assignatis suis contra omnes homines et omnes feminas per predictum servicium Pro hac autem concessione et donacione et warantizacione et carte huius confirmacione dedit michi predictus Ricardus quinque solidos sterlingorum in gersumam Hiis testibus Willelmo Dune Gilberto de Marisco Iohanne filio Baldewini Hugone Bret Willelmo Lenvesie Thoma Nichol[] Marciano de Auvlers Geroldo clerico Ada Iuvene Clemente carpentario Henrico de Turroke et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.