Sciant presentes et futuri quod [ego] Ailwardus Wringel et Emma uxor mea dedimus et concessimus et hac presenti carta nostra confirmavimus Iohanni filio Hacuun[] pro homagio et servicio suo unam acram terre nostre cum pertinentiis in parochia de Auvlers iacentem inter terram nostram et terram Hugonis Puignot et se extendit in longitudine a magno chemino usque ad terram Lamberti de Auvlers habendam et tenendam predicto Iohanni et heredibus suis vel cuicumque dare legare vel assignare voluerit de nobis et heredibus nostris bene et in pace libere et quiete imperpetuum cum omnibus aysiamentis ut in viis semitis aquis et pascuis et in omnibus aliis rebus ad predictam terram pertinentibus reddendo inde annuatim nobis et heredibus nostris ille et heredes sui tres denarios ad duos terminos anni scilicet ad Pascha tres obulos et ad festum sancti Michaelis tres obulos pro omni servicio et seculari exaccione ad predictam terram pertinentibus et ego predictus Ailwardus et Emma uxor mea et heredes nostri warantizabimus predictam terram cum pertinentiis predicto Iohanni et heredibus suis sive eorum assignatis contra omnes gentes imperpetuum per predictum liberum servicium Pro hac autem donacione concessione warantizacione et presentis carte nostre confirmacione et sigilli nostri apposicione dedit nobis predictus Iohannes quinque solidos sterlingorum in gersumam Hiis testibus Gilberto de Marisco Sawino de Wenitone Radulpho de Cancia Iohanne Iuvene Henrico filio Ade Geroldo de Walla Simone de Wenitone Iordano filio Willelmi Willelmo monacho et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.