Sciant presentes et futuri quod ego Serlo filius Gerini dedi et concessi et hac presenti carta mea confirmavi Thome Gasewey quinque acras terre in Wenitone cum pertinentiis suis illas scilicet que iacent in campo qui vocatur Porterevemade iuxta partem occidentis in liberum maritagium cum Christina sorore mea habendas et tenendas predicto Thome et Christine uxori sue predicte et liberis a predictis Thoma et Christina provenientibus in feodo et hereditate libere et quiete in viis semitis et sepibus et fossatis et omnibus aliis pertinentiis per liberum servicium 32 denariorum michi et heredibus meis annuatim reddendorum scilicet ad festum sancti Michaelis 16 denarios et ad Pascha sexdecim denarios pro omnibus serviciis ad me vel ad heredes meos pertinentibus salvo servicio domini regis scilicet quando scutagium datum erit comuniter per regnum ad viginti solidos sex denarios et ad plus plus et ad minus minus ego vero Serlo filius Gerini et heredes mei predictam terram predicti Thome et uxori sue Christine et eorum heredibus contra omnes homines et feminas per predictum servicium warantizabo Et ut hec donacio mea et concessio et carte mee confirmacio rata imperpetuum et inconcussa permaneat presentem paginam sigilli mei apposicione roborare curavi Hiis testibus domino Gilberto de Tham[isia] Roberto Lenveyse Gilberto de Marisco Hugone Brith[one] Hugone de la Rokele Sawino filio Roberti Hasculfo Brythone Fabiano filio Baldewini Iohanne filio Baldewini Ricardo de Columbario Galfrido Lenveyse et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.