Sciant presentes et futuri quod ego Robertus de Quercu dedi et concessi et hac presenti carta mea confirmavi Willelmo Lenveyse pro servicio suo et pro quadraginta solidos argenti quos michi dedit in gersumam unam acram et dimidiam terre cum pertinentiis in Wenitone de feodo quondam Walteri de Grava iacentem in latitudine inter terram Margarete filie dicti Willelmi et terram dicti Willelmi et extendentem se in longitudine ab oriente versus occidentem scilicet a terra mea usque ad terram Radulphi de Kent dedi eciam et concessi et hac presenti carta mea confirmavi dicto Willelmo homagium Margarete filie dicti Willelmi cum releviis et herietis et escaetis et eventuris que de cetero contingere poterunt ex illis duabus acris terre cum pertinentiis quas dicta Margareta de me tenuit in eadem villa habendam et tenendam de me et heredibus meis et meis assignatis dicto Willelmo et suis heredibus vel cuicumque aut quibuscumque dictam terram cum pertinentiis et dictum homagium cum releviis et herietis et escaetis et eventuris dare vendere vel assignare voluerit loco religionis et Iudeis exceptis libere quiete bene et in pace integre et hereditarie in viis et semitis in aquis et fossatis in planis et pascuis in introitibus et exitibus et in omnibus liberis aisiamentis ad dictum tenementum spectantibus reddendo inde annuatim debitum servicium tam predicte acre et dimidie terre cum pertinentiis quam predictarum duarum acrarum terre cum pertinentiis quas dicta Margareta tenet capitalibus dominis feodi scilicet duos solidos ad duos terminos anni videlicet infra octabam Pasche duodecim denarios et infra octabam festi sancti Michaelis duodecim denarios et reddendo inde annuatim michi et heredibus meis et meis assignatis unum obolum ad Pascha pro omni servicio consuetudine secta curie et omnimodis sectis auxiliis herietis herbergagio feodi demandis et omni seculari exaccione et ego predictus Robertus et heredes mei et mei assignati warantizabimus acquietabimus et defendemus dictam acram et dimidiam cum pertinentiis et dictum homagium cum releviis herietis escaetis et eventuris predictis dicto Willelmo et suis heredibus et assignatis suis contra omnes homines et feminas per predictum liberum servicium imperpetuum Et ut hec mea donacio concessio carte confirmacio warantizacio acquietacio defensio stabilis rata et inconcussa imperpetuum permaneat hoc presens scriptum sigilli mei impressione roboravi Hiis testibus Hugone le Bret Thoma Bernard[] Ricardo del Fen Iohanne Gasewey Radulpho de Kent Willelmo filio Gervasii Ada le Iofne Iohanne de Walla Willelmo monaco Ada monaco Roberto de Hyspayn[ia] Simone monacho Henrico filio Martini de Marisco et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.