Sciant presentes et futuri quod ego Willelmus Lenveyse dedi concessi et hac presenti carta mea confirmavi Emme filie Iohanne uxoris mee unam acram et dimidiam terre cum suis pertinentiis in parochia et in marisco de Wenitone que terra dicitur le Kanteys et iacet in latitudine inter terram Thome atte Noke et terram Roberti Gervays et in longitudine a terra predicti Thome usque ad terram Sabine de Tamisia habendam et tenendam de me et heredibus meis predicte Emme et heredibus suis de se legitime procreatis libere quiete integre bene et in pace reddendo inde annuatim michi et heredibus meis ipsa et heredes sui de se legitime procreati sex denarios argenti ad duos terminos anni scilicet ad Pascha tres denarios et ad festum sancti Michaelis tres denarios pro omnibus serviciis consuetudinibus et secularibus exaccionibus ad me vel ad heredes meos inde pertinentibus Et ego predictus Willelmus et heredes mei warantizabimus acquietabimus et defendemus totam predictam terram cum pertinentiis suis predicte Emme et heredibus suis de se legitime procreatis contra omnes gentes imperpetuum per predictum servicium Et si contigerit quod dicta Emma sine herede de corpore suo legitime procreato in fata decesserit tota predicta terra cum suis pertinentiis revertat ad me vel ad heredes meos sine aliqua contradiccione vel reclamacione sive calumpnia In cuius rei testimonium huic scripto sigillum meum apposui Hiis testibus Iohanne le Bret Roberto Gervays Iohanne Gasewey Iohanne Marcien[] Rogero del Fen Galfrido Bernard[] Willelmo Wiche Simone clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.