Placita corone coram Salamone de Roff[a] et sociis suis iusticiariis domini regis itinerantibus in comitatu Essex[e] in crastino sancti Michaelis anno regni regis Edwardi filii regis Henrici terciodecimo Hundredum de Chafford[] venit per 12 iuratores De libertatibus dicunt quod prior hospitalis sancti Iohannis Ierusalem in Anglia post ultimum iter magistri R[oger] de Seyton[] hic de novo levavit furcas in Reynham et similiter clamat habere visum franci plegii assisam panis et servisie in eadem et Henricus de Grey et Philippus de la Rokele clamant habere [visum francii plegii et emendationem assise panis et cervisie in eadem et Bartholomeus Branscun clamavit easdem libertates in Westthurrock Abbas Westmonasterii clamavit habere visum francii plegii in Wokynden[] Septem Fontium abbatissa de Berkyng clamavit habere visum francii plegii et emendationem assise panis et cervisie in Warle Abbatisse et episcopus London visum francii plegii in Wokyndon[] Episcopi et Warle Setmeles et abbas de Cogeshale habet visum francii plegii apud Chiltendich[] et abbas de sancta Osith clamavit habere visum francii plegii apud Boscum Arsum] et magister milicie Templi in Anglia clamat habere visum franci plegii in Purteflyete et Iohannes de Styfford[] [et Robertus de Hamme] clama[n]t [habere visum francii plegii in [Styf]ford] nesciunt quo waranto Et prior hospitalis per attornatum suum venit quo ad furcas dicit quod ipse et predecessores sui usi sunt libertate predicta de infangenethef a tempore a quo non extat memoria et dicit quod de novo non levavit furcas set quia pro vetustate prostrate fuerunt et ipse de novo easdem furcas erigere fecit et quod ita sit petit quod inquiratur Et Willelmus de Gyselham qui sequitur pro domino rege dicit quod omnes capti apud Reynham per indictamentum vel alio modo scilicet pro homicidio vel aliis pro quibus subire debuerunt iudicandum semper duci solebant ad gaolam domini regis de Colecestria et illi qui suspendum adiudicati fuerunt ibidem ad furcas domini regis suspensi solebant et desicut dominus rex est in seisina de libertate predicta ut predictum est petit iudicium pro domino rege Et tam predictus prior hospitalis quam abbas Westmonasterii [abbatissa de Berking episcopus Lond[oniensis] abbas de Cogeshale abbas de sancta Osith] et magister milicie Templi in Anglia per attornatos suos [et Bartholomeus de Bryancun] ven[uerunt] et quo ad visum franci plegii assisam panis et servisie dicunt quod omnes predecessores et antecessores sui obierunt seisiti de predictis libertatibus et iurantes super sacramentum suum hoc idem testantur Ideo dictum est Willelmo de Gyselham quod impetret versus eos etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.