Hec indentura testatur quod die duodecima mensis iulii anno regni regis Edwardi tercii post conquestum septimo frater Leonardus de Tybert[is] prior hospitalis sancti Iohannis Ierusalem in Anglia concessit Thome Kempe de Wenyngtone manerium dicti hospitalis de la More in comitatu Essex[e] cum omnibus pertinentiis suis habendum et tenendum cum omnibus proficuis inde perceptis et percipiendibus a festo nativitatis beati Iohannis Baptiste proximo preterito usque ad terminum quinque annorum proximorum sequencium completorum ita videlicet quod idem Thomas solvat inde prefato priori apud Fontem clericorum quolibet anno dictorum quinque annorum viginti et quinque libras et decem solidos sterlingorum videlicet ad festum sanctorum Simonis et Iude octo libras et decem solidos sterlingorum et ad Carniprivium octo libras et decem solidos sterlingorum et ad festum nativitatis beati Iohannis Baptiste octo libras et decem solidos sterlingorum et faciat eciam et supportet omnia onera redditus et servicia dicto manerio incumbencia per idem tempus et preterea reparet et sustentet omnia edificia muros et hayas dicti prioris ibidem sumptibus ipsius Thome preter meremium pro housbote et heybote et in fine dictorum quinque annorum dimittat et sursum reddat prefato priori vel successoribus suis predictum manerium cum omnibus suis pertinentiis instauratum de bestiis et aliis bonis in adeo bono statu sicut illud recepit videlicet cum duobus equis carectariis precium cuiuslibet 13 s et quatuor denariorum tribus bobus precium capite sexdecim solidorum uno tauro et viginti vaccis precium capite 13 s et quatuor denariorum 6 stottis precium capite decem solidorum quinque vitulis precium capite duorum solidorum duobus hurtardis duobus multonibus centum triginta et tribus ovibus matricibus precium capite 16 denariorum et cum viginti et sex acris terre seminate cum frumento quadraginta et duabus acris terre seminate cum siligine quatuordecim acris terre seminate cum wynterbere duodecim acris terre seminate cum fabis duabus acris terre seminate cum pisis tribus acris terre seminate cum ordeo et sex acris terre seminate cum avenis una acra prati et dimidia quadraginta acris terre warectate quatuordecim acris terre compostate una carecta ferro ligata cum toto harnasio pro duobus equis precium quindecim solidorum duabus carucis cum toto apparatu duabus herciis Ad quas quidem soluciones reparaciones et sursum reddicionem ut premittitur fideliter faciendum idem Thomas obligat se heredes et executores suos ac omnia bona et catalla sua districcioni et cohercioni prefati prioris et successorum suorum ac ministrorum suorum et concessit per presentes quod si contingat quod absit ipsum in aliqua solucione predicta per quindecim dies post aliquem terminorum predictorum in toto vel in parte deficere quod bene liceat predicto priori vel successoribus suis ac eorum attornatis dictum manerium cum suis pertinentiis et cum omnibus bestiis et bonis in eodem inventis in manum suam capere et seisire in quocumque statu fuerit et illud tenere imperpetuum sibi et successoribus suis absque reclamacione vel perturbacione prefati Thome et dictus prior et successores sui convencionem predictam inquantum eos contingit prefato Thome fideliter observabunt et preterea dabunt prefato Thome quolibet anno dum tenuerit manerium supradictum unam robam de secta officiariorum ipsius prioris et successorum eorum In cuius rei etc Data etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.