Sciant presentes et futuri quod ego Robertus Cobbe dedi concessi et hac presenti carta mea confirmavi Deo et beate Marie et fratribus hospitalis sancti Iohannis de Ierosolomia pro salute anime mee et antecessorum et successorum meorum in liberam puram et perpetuam elemosinam tres acras terre mee cum pertinentiis in villa de Brokesheved que iacent in campo qui vocatur Ruggel[] inter terram Willelmi de Ruggel[] et terram Galfridi Carbunel et abuttant ad unum capud super terram predicti Willelmi et ad aliud super le Holestrate habendas et tenendas de me et heredibus meis dictis fratribus et eorum successoribus libere et quiete bene et in pace et plenarie cum viis et semitis cum sepibus et fossatis cum planis et pascuis cum omnibus libertatibus et exitibus et aisiamentis ad dictam terram spectantibus ita libere et pure et plene sicut aliqua elemosina liberius et purius et plenius ab aliquo potuit dari vel recipi Ego vero Robertus et heredes mei dictis fratribus et eorum successoribus predictam terram cum omnibus suis pertinentiis warantizabimus et de omnibus secularibus serviciis exaccionibus impeschiamentis et demandis sicut nostram liberam et puram et perpetuam elemosinam defendemus contra omnes homines et feminas Et quia volo quod hec mea donacio et concessio et carte mee confirmacio et warantizacio rate et stabiles imperpetuum perseverent presens scriptum sigilli mei impressione corroboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.