Omnibus Christi etc Robertus Cobbe de Brokesheved salutem Noverit universitas vestra me dedisse et concessisse et presenti carta mea confirmasse Deo et beate Marie et domui fratrum hospitalis sancti Iohannis Ieros[olomie] in villa de Chaur[ia] pro salute anime mee et antecessorum et successorum meorum tres denarios quos Ranulfus capellanus de Eystan[] michi annuatim reddere consuevit cum homagio et servicio ipsius habendos et tenendos de me et heredibus meis dictis fratribus hospitalis et eorum successoribus in liberam et puram et perpetuam elemosinam ita libere et pure sicuti elemosina liberius et purius potest dari vel recipi Ego vero Robertus et heredes mei warantizabimus predictum donum predictis fratribus et eorum successoribus sicuti nostram liberam puram et perpetuam elemosinam contra omnes homines et feminas Et ut hec mea donacio et concessio et carte mee confirmacio et warantizacio rate et stabiles imperpetuum perseverent presens scriptum sigilli mei apposicione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.