Omnibus Christi etc ego Ricardus de la Fenne salutem Noverit universitas vestra me dedisse et concessisse et hac presenti carta mea confirmasse pro salute anime mee et antecessorum et successorum meorum in puram et perpetuam elemosinam Deo et beate Marie et fratribus hospitalis Ierusalem totam illam terram que ate Brodewatere iacet inter terram dictorum fratrum et terram Roberti de la Fenne cum pertinentiis cuius unum capud abuttat versus aquilonem super pasturam Willelmi de Ard[erne] et aliud capud versus australem super aquam fluentem de Pristeford usque Tilet[eiam] habendam et tenendam libere et quiete hereditarie bene et in pace salvo tamen quod dicti fratres solvent michi et heredibus meis annuatim unam ad Pascha robam vel unum par cyrotecarum precio unius oboli Et ego Ricardus et heredes mei warantizabimus predictis priori et fratribus predictam terram cum pertinentiis per predictum servicium contra omnes homines et feminas tam religiosas quam seculares Ad maiorem huius rei securitatem huic scripto presenti sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.