Sciant presentes etc quod ego Willelmus de Waletun dedi et concessi et hac presenti carta mea confirmavi Roberto filio Henrici de la Fenne et heredibus suis pro homagio et servicio suo totam terram meam quam habui in subcampo de Mochelfeld[] quam Robertus frater meus aliquando tenuit de Roberto filio Willelmi de Taxsted[] que scilicet terra iacet inter feodum domini Willelmi de Arderne quam Willelmus filius Radulfi tunc tenuit apud le Brodewatere versus occidentem et terram Henrici de la Fenne versus orientem cum pratis et pasturis et cum omnibus libertatibus ad eandem terram spectantibus quas unquam aliquis predecessorum meorum habuit habendam et tenendam sibi et heredibus suis de me et heredibus meis libere quiete finabiliter et hereditarie reddendo inde annuatim michi et heredibus meis ille et heredes sui ad festum sancti Michaelis 1 d ad festum natalis Domini unam libram cymini vel 2 d et ad Pascha Domini 1 d pro omnibus serviciis et consuetudinibus et demandis Et ego Willelmus de Waletun et heredes mei per predictum servicium predictam terram cum omnibus libertatibus suis et pertinentiis predicto Roberto et heredibus suis contra omnes homines et feminas warantizabimus imperpetuum Pro hac autem donacione et concessione et presentis carte mee confirmacione dedit michi predictus Robertus 5 marcas argenti in gersummam Et ut hac mea donacio et concessio et confirmacio rata et stabilis permaneat sigillum meum apponendo presentem cartam meam roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.