Omnibus Christi fidelibus etc Willelmus filius Rogeri Gundree de Henham salutem Noverit universitas vestra me dedisse et concessisse et presenti carta mea confirmasse Deo et beate Marie et domui fratrum hospitalis sancti Iohannis Ierusalem in villa de Chaur[ia] pro salute anime mee et antecessorum et successorum meorum octo denarios quos Robertus de Henham miles michi annuatim reddere consuevit et decem denarios quos Willelmus de Henham frater dicti Roberti michi annuatim reddere consuevit cum homagiis et serviciis ipsorum habendos et tenendos de me et heredibus meis dictis fratribus hospitalis et eorum successoribus in liberam puram et perpetuam elemosinam ita libere et pure sicuti [aliqua] elemosina liberius dari et purius potest recipi Ego vero Willelmus et heredes mei warantizabimus predictum donum predictis fratribus et eorum successoribus sicuti nostram puram liberam et perpetuam elemosinam contra omnes homines et feminas Et ut hec mea donacio et concessio et carte mee confirmacio et warantizacio rate et stabiles inperpetuum perseveret presens scriptum sigilli mei apposicione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.