Sciant presentes et futuri quod ego Iohannes Abraham de Thaxstede dedi et concessi et hac presenti carta mea confirmavi Deo et beate Marie et sancto Iohanni Baptiste domino priori et fratribus hospitalis sancti Iohannis Ierusalem in Anglia tres denariatas annui redditus quas annuatim percipere solebam de Simone de Pedipoll[] pro tenemento que de me tenuit in villa de Thaxstede cum omni mei iure et heredum meorum ut in homagiis wardis releviis escatis et rebus cunctis que michi et heredibus meis de predictis tenente et eius tenemento possint advenire sine ullo retenemento Concessi eciam et presenti carta mea confirmavi predicto domino priori et fratribus omnes donaciones et concessiones quas predicti fratres de me sive de antecessoribus meis quibuscumque adepti sunt cum omni iure et dominacione de predicto Simone vel eius tenemento quibuscumque michi qualicumque causa contingentibus sine ullo retenemento habendas et tenendas sibi et successoribus suis vel assignatis predictas tres denariatas redditus et eciam predictas donaciones quas habent de me sive de antecessoribus meis cum omnibus pertinentiis suis nominatis et non nominatis ut in homagiis wardis releviis escaetis et [rebus] cuntis michi de predicto tenente vel eius tenentibus quocumque casu contingentibus in liberam puram et perpetuam elemosinam adeo libere et quiete sicut aliqua elemosina liberius purius et quiecius alicui domui religiose possit inalmonari Et ego predictus Iohannes Abraham et heredes mei vel assignati predictas 3 denariatas annui redditus et eciam predictas donaciones quas de me sive de antecessoribus meis adepti sunt cum omni iure et dominio michi vel heredibus meis de prefato Simone vel eius tenentibus quibuscumque advenientibus sine ullo retenemento predictis domino priori et fratribus et eorum successoribus vel assignatis sicut nostram puram et perpetuam elemosinam contra omnes gentes de omnibus et singulis que a quocumque mortali exigi possunt vel extorqueri warantizabimus acquietabimus et defendemus inperpetuum In cuius rei testimonium etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.