Omnibus etc Iohannes cocus de Dunmawe salutem Noveritis me dedisse et concessisse et presenti scripto confirmasse pro salute anime mee et antecessorum et successorum meorum Deo et beate Marie et fratribus hospitalis sancti Iohannis Ierusalem in liberam puram et perpetuam elemosinam 11 denarios annui redditus quos Radulfus Cole michi annuatim reddere consuevit ad duos anni terminos scilicet ad Pascha quinque denarios et obolum et ad festum sancti Michaelis quinque denarios et obolum pro duabus acris terre arabilis et una acra prati quas tenuit de me in villa de Dunmawe magna cum pertinentiis suis quarum una acra terre iacet in campo qui vocatur Stratford[] inter terram Iohannis de la Ford[] et terram Galfridi filii Roberti Snecte et abuttat ad unum capud super terram Gilberti drapier et ad aliud super le Holm[] et una roda prati iacet in Moneman[n]emad[] et alia acra terre iacet in campo prenominato inter terram Arnulfi de Fraxino et terram predicti Iohannis de la Ford[] et extendit se [de] terra prefati Gilberti usque ad ripam et tres rode prati iacent in Moneman[n]emad[] cum toto homagio et servicio dicti Radulfi et cum omnibus pertinentiis et libertatibus et aisiamentis ad predictam terram spectantibus habendum et tenendum dictis fratribus libere et pure et quiete et inperpetuum solutum et quietum ab omnibus secularibus serviciis et querelis et demandis videlicet ita libere et quiete sicut aliqua elemosina liberius et purius ab aliquo poterit dari vel recipi Ego vero Iohannes cocus et heredes mei warantizabimus prenominatum tenementum cum omnibus pertinentiis suis prefatis fratribus sicut nostram liberam puram et perpetuam elemosinam contra omnes homines et feminas Et quia volo quod hec mea donacio et concessio et confirmacio et warantizacio rata et stabilis inperpetuum perseverent presenti scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.