Omnibus hoc scriptum etc frater Ricardus prior de Dunmawe et eiusdem loci conventus salutem in Domino etc Noveritis nos attornasse et assignasse Walterum Sayoth de Dunmawe ad solvendum annuatim duos denarios et obolum annui redditus priori et fratribus sancti Iohannis Ierusalem in Anglia ad festum sancti Michaelis de una acra terre cum pertinentiis que iacet in campo qui vocatur Eldefeld[] iuxta terram nostram ex una parte et terram Walteri Sayoth ex altera cum omni iure et commoditate que de dicta acra terre possint accidere ut in homagiis wardis releviis escaetis districcionibus et rebus cuntis que aliqua occasione de eadem terra quocumque casu contingente possint advenire sine ullo retenemento inperpetuum in excambium pro quadam acra terre cum pertinentiis quam habuimus de dono Hugonis de Fraxino que iacet in campo qui vocatur Wodeleche inter terram nostram ex utraque parte in magna Dunmawe ita videlicet quod dicti fratres hospitalis dicte domus in dicta acra terre cum suis pertinentiis in dicto campo [de] Wodeleche aliquid iuris vel clamii alicuius occasione redditus sive possessionis de cetero nequeant exigere vel clamare set nobis et successoribus nostris cum omni iure et commoditate que de dicta acra terre possint accidere remaneat inperpetuum In cuius rei testimonium ad maioris securitatis evidenciam partes prelibate presenti scripto in modum cyrografi confecto sigilla sua alternatim apposuerunt

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.