Omnibus Christi fidelibus Petrus filius Iohannis de magna Dunmawe salutem Noveritis me dedisse et concessisse et presenti scripto confirmasse Deo et beate Marie et fratribus hospitalis sancti Iohannis Ierusalem in liberam puram et perpetuam elemosinam pro salute anime mee et uxoris mee et puerorum et antecessorum et successorum meorum unum campum terre mee in villa de Dunmawe qui vocatur la Legge in quo continentur [] unde unum capud abuttat super terram Galfridi de Maundevill[] et aliud capud abuttat super croftum quod vocatur Scrikelland[] qui est Iohannis de Berniers et iacet inter terram priorisse de Clerkenwell[] et cheminum quo itur ad domum Willelmi Gaymer cum omnibus pertinentiis ad illam terram pertinentibus habendum et tenendum dictis fratribus vel eorum attornatis de me et heredibus meis libere et quiete bene et in pace et inperpetuum in viis et semitis in planis et pascuis et pratis et chaciis et sepibus et fossatis et in omnibus libertatibus exitibus et aisiamentis ad predictum tenementum spectantibus Ego vero Petrus et heredes mei warantizabimus dictis fratribus vel eorum attornatis totum prenominatum tenementum cum omnibus libertatibus prenominatis ad predictum tenementum pertinentibus sicut nostram liberam puram et perpetuam elemosinam contra omnes homines et feminas Et quia volo quod hec mea donacio et concessio et confirmacio et huius prenominate elemosine nostre warantizacio ita libera pura et stabilis et firma inperpetuum perseverent sicut ab aliquo liberius et purius et stabilius et firmius aliqua elemosina poterit dari vel ab aliquo recipi presenti scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.