Sciant presentes et futuri quod ego Robertus molendinarius de Dunmawe dedi et concessi et hac presenti carta mea confirmavi Nicholao tunc capellano de magna Dunmawe pro homagio et servicio suo unum mesuagium cum pertinentiis in campo qui vocatur Melefeld[] iuxta terram quam Acletus tenuit scilicet octo perticas in longitudine et octo perticas in latitudine sicut sepibus et fossatis includitur habendum et tenendum cum omnibus pertinentiis de me et heredibus meis predicto Nicholao vel illis quibuscumque dare vel vendere vel legare vel assignare voluerit et assignatis et heredibus libere et quiete iure et hereditarie bene et in pace reddendo annuatim inde michi vel heredibus meis ille vel sui assignati octo denarios ad duos terminos anni scilicet ad Pascha quatuor denarios et ad festum sancti Michaelis quatuor denarios pro omnibus serviciis et consuetudinibus et exaccionibus Pro hac autem donacione et concessione et huius carte mee presentis confirmacione dedit michi predictus Nicholaus duodecim solidos argenti in gersumam et ego predictus Robertus et heredes mei warantizabimus predicto Nicholao vel illis quibuscumque dederit vel vendiderit vel delegaverit vel assignaverit et heredibus eorum totum predictum tenementum cum omnibus pertinentiis per predictum servicium contra omnes homines et omnes feminas Hiis testibus Henrico Martell[] Willelmo de Dunmawe Willelmo Gaymar Waltero Iuvene Gilberto Passelewe Erinus Gurell[] Martino de Eystanos Galfrido Martell[] Simone filio Turstani Iohanne de Forde et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.