Notum sit omnibus sancte matris ecclesie fidelibus presentibus et futuris quod ego Rogerus de Ginges filius Iordani filii Landr[ici] concessi et presenti carta confirmavi Deo et sancte Marie et sancto Iohanni Baptiste et beatis pauperibus sancte domus hospitalis Ierusalem et fratribus in eadem domo Deo servientibus quinque acras terre de terra mea in Gynges quas Agnes vidua que fuit uxor Wulfrici Burre tenuit quas eciam prius pater meus eidem domui dederat in liberam et puram et perpetuam elemosinam cum communi pastura et aisiamento eiusdem ville solutam et quietam ab omni seculari servicio et exaccione michi et heredibus meis inde pertinente Testibus Bartholomeo presbitero domina Roeis uxore mea Iohanna sorore ipsius Roberto Foucellun fratre ipsius Iohanne Iordano serviente Willelmo clerico de Onxa

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.