Sciant presentes etc quod ego Galfridus filius Willelmi de Bodekesham dedi concessi et hac presenti carta mea confirmavi Deo et hospitali sancti Iohannis Baptiste Ierusalem et fratribus ibidem Deo ministrantibus pro salute anime mee et antecessorum meorum in puram perpetuam et omni modo quietam elemosinam unum denarium annui redditus cum pertinentiis quem Ricardus filius Reginaldi de Colynge michi reddere consuevit ad festum sancti Michaelis annuatim de tenemento quod tenuit de me in Culynge scilicet quicquid in predicto tenemento habui vel habere potui scilicet in homagiis in releviis et in omnibus ad me et ad heredes meos pertinentibus tenendum et habendum dicto hospitali et fratribus ibidem ministrantibus libere et etiam quiete inperpetuum nichil michi retentum nisi predictam elemosinam Et ego dictus Galfridus et heredes mei Deo et hospitali sancti Iohannis et fratribus ibidem ministrantibus predictum redditum cum tenemento et cum pertinentiis contra omnes homines defendemus et acquietabimus et warantizabimus In cuius rei etc sigillum meum apposui Testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.