Hec indentura testatur quod nos frater Robertus Normanton[] attornatus generalis et custos camerarum fratris Iohannis Radyngton[] prioris hospitalis sancti Iohannis Ierusalem in Anglia concessimus et dimisimus Willelmo Goldon[] de Chaureth[] et Margerie uxori eius et Iohanni filio eorundem unum tenementum nuper Galfridi Iurdan[] cum pertinentiis suis in Chaureth[] in comitatu Essex[e] quod quidem tenementum continet sexdecim acras habendum et tenendum predictum tenementum cum pertinentiis suis predictis Willelmo et Margerie uxori eius et Iohanni a festo nativitatis sancti Iohannis Baptiste proximo futuro post datum presentem usque ad finem annorum decem extunc proximorum sequencium plenarie completorum reddendo inde annuatim dicto fratri Iohanni priori et successoribus suis duodecim solidos argenti ad terminos in dicto manerio de Chaureth[] usuales et duos capones in festo Pasche et predicti Willelmus et Margeria uxor eius et Iohannes omnes domos et clausuras dicti tenementi sumptibus suis propriis sufficientibus reperabunt et sustentabunt et in fine termini sui in competenti statu dimittent et sursum reddent Et si dicti Willelmus et Margeria uxor eius et Iohannes in solucione dicti redditus post aliquem terminorum predictorum in parte vel in toto aretro fuerint per quindecim dies aut dictum tenementum cum pertinentiis suis alicui sine licencia nostra dimiserint aut vastum in dicto tenemento fecerint vel in reperacione domorum seu in aliqua convencione prescripta defecerint volunt et concedunt iidem Willelmus et Margeria uxor eius et Iohannes quod extunc bene liceat nobis et successoribus nostris predictum tenementum cum pertinentiis suis reingredi et retinere inperpetuum una cum omnibus bonis et catallis in dicto tenemento inventis sine contradictione aliquali In cuius rei testimonio presentibus indenturis partes predicte alternatim sigilla sua apposuerunt Datum apud Clerkenwell[] die martis proxima ante festum nativitatis sancti Iohannis Baptiste anno regni regis Ricardi secundi post conquestum nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.