Universis etc Willelmus comes de Ferariis salutem in Domino Sciatis quod ego pro salute anime mee et patris et matris et sponse mee et heredum meorum et antecessorum meorum concessi et hac presenti carta mea confirmavi Deo et sancte Marie et sancto Iohanni Baptiste et beatis pauperibus sancte domus hospitalis Ierusalem et fratribus in ea servientibus ecclesiam de Stebbynge cum omnibus pertinentiis tam in decimis quam in aliis obvencionibus eidem ecclesie pertinentibus et quicquid iuris in ipsa ecclesia tam in advocacione quam in alio iure ego et heredes mei habuimus in liberam et puram et perpetuam elemosinam sicut aliqua elemosina liberius vel melius dari potest Et ego et heredes mei illam concessionem et confirmacionem prescripte ecclesie et omne ius quod in ea habuimus contra omnes homines domui hospitalis warantizabimus imperpetuum sine omni reclamacione servicii Testibus Roberto filio Walkelini etc Ista carta facta fuit apud London[iam] anno dominice incarnacionis millesimo centesimo octogesimo primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.