Anno gratie millesimo ducentesimo quinquagesimo sexto facta fuit hec convencio inter fratrem Eliam de Smethton priorem hospitalis Ierusalem in Anglia ex una parte et Innocencium Giffarde alumpnum Ricardi Gifferd ex altera videlicet quod dictus prior de communi assensu et voluntate fratrum capituli sui concessit tradidit et dimisit predicto Innocencio totum campum qui vocatur Warefeld Wilrami in Stebbynge cum omnibus pertinentiis suis habend et tenend tota vita predicti Ricardi libere quiete integre et pacifice sibi et quibuscumque assignatis suis exceptis viris religionis et Iudeis reddendo annuatim predictis fratribus hospitalis Ierusalem abbati de Hambeya vel eius certo procuratori pro tempore in Anglia existenti 16 s sterlingorum quatuor anni terminis pro omnibus serviciis et secularibus demandis et preterea reddendo inde annuatim dictis fratribus Ierusalem 16 s sterlingorum duobus anni terminis videlicet ad capitulum dictorum fratrum de termino sancti Michaelis 8 s et ad capitulum eorundem de termino Pasche 8 s pro omnibus serviciis et secularibus demandis ad ipsos inde spectantibus ita quidem quod post dissessum dicti Ricardi Giffarde tota terra predicta cum omnibus suis pertinentiis ad dictos fratres hospitalis Ierusalem in Anglia quieta revertatur salvo redditu inde debito abbati de Hambeya et suis successoribus et salvis dicto Innocencio vel suis assignatis bonis catallis fructibus super dictam terram tunc existentibus Et in premissorum testimonium sigilla parcium presenti scripto cyrografato sunt apposita videlicet parti remanenti dictis fratribus hospitalis sigillum dicti Innocencii et parti dicto Innocencio remanenti sigillum commune dicti capituli una cum sigillo prioris supradicti Testibus

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.