Sciant presentes etc quod ego Walrandus filius Goduini dedi et concessi et hac presenti carta [mea] confirmavi Rogero clerico de Pelham et cui assignare voluerit preterquam viris religiosis 12 acras terre mee in villa de Stebbynge scilicet illas 12 acras quas Robertus de Welles tenuit de me in campo qui vocatur Waresfeld[e] cum omnibus pertinentiis absque ullo retenemento unde novem acre et dimidia et quarta pars unius acre iacent proxime iuxta hayam parci in cultura que vocatur Middelfet et due acre et quarta pars acre iacent iuxta terram Sampsonis et terram quam Thomas filius Emme tenet de eodem feodo et abuttat super viam viridem que ducit ad molendinum [sub parco olim] Hugonis de Colunces habendas et tenendas sibi et heredibus suis de me et heredibus meis libere et quiete bene et in pace et hereditarie Pro hac autem donacione et concessione et carte mee confirmacione dedit michi pretactus Rogerus 7 s in gersumam Et ego Walrandus et heredes mei inveniemus prefato Rogero et heredibus suis viam oportunam ad fugandum et ad cariandum absque ullo impedimento Et ego predictus Walrandus et heredes mei warantizabimus sepedicto Rogero clerico et heredibus suis prenominatum tenementum contra omnes homines et feminas Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.