Sciant presentes etc quod ego Matheus Bullok[] nativus ecclesie de Stebbynge remisi et quietum clamavi domino meo Ricardo Giffarde et successoribus suis in ecclesia de Stebbynge de me et successoribus meis inperpetuum per corporalem abiuracionem totam terram que vocatur Bullokesacre cum prato et pertinentiis ex parte boriali mansi mei ultra cheminum in campo ecclesie predicte ita quod ego vel successores me in terra et prato predictis cum pertinentiis et infra campum predictum inclusum nichil iuris de cetero clamare poterimus vel habere Pro hac autem remissione et quieta clamacione et abiuracione relaxavit michi dictus Ricardus Giffarde ad peticionem liberorum hominum [de] Stebbynge 12 d annui redditus de 28 d annuis quos Willelmus Bullok[] pater meus solet annuatim reddere personis de Stebbynge de illo tenemento et alio quod in vilenagio de ecclesia predicta et personis tenuit et idem Ricardus ad peticionem liberorum hominum de gratia sua michi concessit mansum quod fuit predicti Willelmi patris mei cum residuo terre prati et pasture que de dicta ecclesia tenuit tenendum ad vitam meam de ipso et ecclesia predicta in vilenagio per easdem consuetudines quas dictus Willelmus pater meus iure facere debuit et consuevit ita quod si forte aliquo tempore placitum moveam vel ius aliquod clameum in terra aut prato predictis infra campum ecclesie predicte inclusum aut in residuo tenementi quod de dicta ecclesia teneo ius vindicem hereditarie tanquam periurus de manso predicto terra prato et pastura ac pertinentiis expellar et periurer imperpetuum In premissorum testimonium presenti scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.