Universis sancte matris etc Ricardus Cantuar[iensis] ecclesie minister humilis eternam in Christo salutem Noverit etc causam que de mandato domini Lucii pape III coram nobis inter hospitalarios et canonicos de Dunmawe super ecclesiam de Burnham diucius ventilata est Post varios ipsius excursus tandem de voluntate parcium amicabili composicione conquievisse in hunc modum scilicet quod personatus prescripte ecclesie penes hospitalarios residebit perpetuo et canonici perpetuam vicariam in ea habebunt solvendum annuatim de eadem ecclesia nomine perpetue vicarie hospitalariis aureum unum quamdiu Walterus filius Walteri vixerit qui de eisdem canonicis memoratam tenet ecclesiam Post dissessum vero dicti Walteri canonici ecclesiam illam in manum suam omnino recipient et solvent de ea singulis annis ipsis hospitalariis 3 marcas argenti ad duos anni terminos scilicet 20 s ad Pascha et viginti solidos ad festum sancti Michaelis Et ut presens transactio firma inposterum et inconcussa permaneat presenti eam scripto duximus commendare et sigilli nostri apposicione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.